КіруСӘБИІН ДӘРЕТХАНАҒА ТАСТАҒАН БОЙЖЕТКЕНГЕ СОТ ҮКІМІ ШЫҚТЫ
Жаңа туған сәбиін дәретханаға тастап, одан құтылмақ болған бойжеткенге бүгін сот үкім кесті. Оны екі жылға бас бостандығынан шектеді.
19 жастағы студент ата-анасынан қорыққан соң, осындай қадамға барған көрінеді. Ол сотта кінәсін толық мойындаған. Пакетке оралған шақалақтың ауа жетпей, тұншығып өлгенін сот дәрігерлік сараптама арқылы анықтаған. БҚО сотының баспасөз хатшысы Нұргүл Қанатбаеваның айтуынша, сот үкімімен азаматша ҚР Қылмыстық кодексінің 100-бабы, яғни «Жаңа туған нәрестені анасының өлтіруІ» бойынша қылмыс жасағаны үшін кінәлі деп таныған.
– Бұл қылмыс орташа ауырлықтағы қылмыстар санатына жатады. Сот сотталушыны айыпты деп танып, сотталушыға екі жылға бас бостандығынан шектеу жазасын тағайындады,– деді БҚО сотының баспасөз хатшысы Нұргүл Қанатбаева.
Жаға ұстатарлық бұл оқиға Батыс Қазақстан облысының Казталов ауданында былтыр қарашада болған. Сот материалдарынан белгілі болғандай, бойжеткен 8 айлық сәбиін үйінде босанып қалған. Әке-шешесі жоқта шаранадан құтылуға асыққан ол ұлын пакетке орап, дәретханаға тастапты. Кейін ізін жасыру үшін үйін қаннан тазартқан. Кінәсін толық мойындаған сотталушы, ата-анасынан қорыққанын, әрі жігіті баладан бас тартқан соң осындай қадамға барғанын айтыпты.
Айнара ИСА,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу