КіруС.АБУЛҒАЗИЕВА: «ӘР АДАМ ӨЗІН ІЗДЕГЕНДЕ, ҚАЗАҚ ҚАЗАҚТЫ ІЗДЕГЕНДЕ АБАЙДАН БАСТАУЫ КЕРЕК»
Абай қазақты әлемге танытқан тұлға. Оған құрметті бір күнмен, бір жылмен шектеу мүмкін емес. Ол – біздің мақтанышымыз. Абайдың әр қарасөзі, өлеңінде бүгінгі таңдағы өзекті мәселелер көтерілген. Келешек ұрпаққа Абайды танытуда Абай күнінің бекітілуінің маңызы зор. Себебі Абай арқылы қазақты зерттеуге болады деп ойлаймын. Абайдың шығармашылығына бойлау, Абаймен танысу әр адамның өз менін ашуына, өзінің тұлға болып қалыптасуына, жақсы мен жаманды ажыратуға септігін тигізері анық. Абайдың әр ой түйінін әр қазақ санасына сіңіре білсе, жемқорлық, суицид, азғындық, педофилизм сынды небір келеңсіз оқиғалардан тыйылар едік. Өйткені адам рухани байыған сайын биікке көтеріледі. Сол себепті әр адам өзін іздегенде, қазақ қазақты іздегенде бірінші Абайдан бастауы керек.
Челленджге қатысу кезінде мен «Өлсем орным қара жер сыз болмай ма?» өлеңін оқып, облыстық «Орал өңірі» газетінің редакторы Бауыржан Ғұбайдуллинге және жерлесіміз М.Әуезов театрының актрисасы, «Құрмет» орденінің иегері Назгүл Қарабалинаға жолдадым. Бүгінгі жас әлеуметтік желілердің белсенді қолданушылары. Әрі олар белгілі тұлғалардың парақшаларына жиі үңілетіні таңсық емес. Сол себепті әлеуметтік желі арқылы Абай мұрасын насихаттауды жалғастыра беруіміз керек.
Салтанат АБУЛҒАЗИЕВА,
Х.Бөкеева атындағы қазақ драма театрының директоры, «Серпер» жастар сыйлығының лауреаты
Версия для печати
Соңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу