КіруҚұрылыс сапасы қатаң бақылауда
Орал қаласында соңғы жылдары тұрғын үй құрылысы жүйелі түрде дамып, қала келбеті айтарлықтай өзгеріп келеді. Мемлекеттік бюджет есебінен жүзеге асырылып жатқан жобалар тұрғындарды баспанамен қамтамасыз етуді ғана емес, сонымен қатар қолайлы өмір сүру ортасын қалыптастыруды көздейді. Соңғы уақытта Орал қаласының әкімі М.Байменов құрылыс нысандарын аралап, атқарылып жатқан жұмыстардың барысын бақылап жүр. Әсіресе «Ақжайық» шағынауданындағы жобалар ерекше назарда.
Аталған шағынауданда қазіргі таңда 8 көпқабатты тұрғын үйдің құрылысы толық аяқталып, 760 пәтер пайдалануға берілді. Оның ішінде 2024 жылы 5 тұрғын үй (390 пәтер) ел игілігіне тапсырылса, биыл тағы 3 тұрғын үйді (370 пәтер) пайдалануға беру жоспарлануда. Сондай-ақ осы ауданда тағы 4 көппәтерлі тұрғын үйдің құрылысы жалғасуда, олардың жалпы саны 580 пәтерді құрайды. Бұл нысандар алдағы уақытта кезең-кезеңімен тұрғындарға табысталмақ.
Тұрғын үйлермен қатар, инженерлік-коммуникациялық инфрақұрылым да қарқынды дамып келеді. Атап айтқанда, сметалық құны 2,206 млрд теңгені құрайтын кәріз сорғы станциясы салынып, пайдалануға берілді. Сонымен бірге сумен жабдықтау жүйелері мен көтергіш сорғы станциясының құрылысы жалғасуда. Алаңішілік инженерлік желілер тарту, абаттандыру және орамішілік жолдар салу жұмыстары жүйелі түрде атқарылып жатыр.
Зачаган кентінде де құрылыс қарқынды!
Қазіргі уақытта мұнда 208 пәтерлі көпқабатты тұрғын үйдің құрылысы жүріп жатыр. Сонымен бірге бірқатар тұрғын үйге инженерлік желілер тарту жұмыстары қолға алынған.
Биыл тұрғындарды баспанамен қамтамасыз ету мақсатында 190 пәтер сатып алынған. Пәтерлердің 80-і жалғыз тұрғын үйі апатты деп танылған азаматтарға, 53-і әлеуметтік осал топтағы тұрғындарға, ал 37-і «Отбасы банк» АҚ арқылы тұрғын үй жинақ жүйесі бойынша ипотекалық шартпен берілетін азаматтарға арналған.
Қала басшылығы барлық құрылыс нысанының сапасы мен уақытында тапсырылуын қатаң бақылауда ұстап отыр. Мердігер ұйымдарға нақты тапсырмалар жүктелген.
Айта кетейік, «Ақжайық» шағынауданының дамуына серпін беретін маңызды инфрақұрылымдық бастаманың бірі ретінде жаңа аумақты қала орталығымен жалғайтын ірі көпір құрылысы қолға алынды. Бұл өңірде соңғы 30 жылда жүзеге асырылғалы отырған алғашқы ауқымды жоба болып отыр. Жоспарға сәйкес, құрылыс жұмыстары 36 ай ішінде аяқталып, нысан 2028 жылы пайдалануға берілуі көзделуде. Жоба іске асқанда «Ақжайық» шағынауданының және оған іргелес аумақтардың көлік қатынасы едәуір жақсарып, қала орталығымен байланысы жеңілдейді. Бұл өз кезегінде аталған ауданның тартымдылығын арттырып, әлеуметтік және экономикалық дамуына жаңа мүмкіндік ашады.
Ә. Бақытжанқызы,
«Жайық үні»
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
