ПОЛИЦИЯ БӨЛІНІСТЕРІНІҢ БАСШЫЛАРЫ «ЖОЛДА ҚАБЫЛДАЙДЫ»
Қазақстан Республикасының Ішкі істер министрі Е.Тұрғымбаевтың тапсырмасы бойынша халықпен кері байланысты орнату және полиция бөліністері басшыларының тұрғындармен жеке кездесуін қамтамасыз ету мақсатында ағымдағы жылғы 15 және 16 қараша күндері Батыс Қазақстан облысының барлық өңірлерінде «Жолда қабылдау» мобильді акциясы өткізіледі.
Қала орталығында және барлық аудандарда әкімшілік полиция, жергілікті полиция және көші-қон қызметтерінің басшылары азаматтарды қабылдайды.
Барлық аудандарда арнайы жабдықталған автобустар болады. Осы мобильдік қабылдау кезінде тұрғындар полиция қызметкерлерінің заңсыз іс әрекеттеріне шағымдана алады және полиция тарапынан көрсетілетін мемлекетік қызметтер туралы ақпарат алып, ішкі істер органдарының цифрлық мүмкіндіктерін пайдалана алады.
Тұрғындарға қолайлы болу үшін бұл арнайы автобустарда тіркеу-емтихан қабылдау, жол техникалық бақылау және әкімшілік практика бөліністерінің басшылары да жұмыс істейтін болады.
Акция 15-16 қараша күндері Орал қаласы Ж.Молдағалиев көшесі «Nur Otan» партиясы ғимаратында және Әбілхайыр хан даңғылы, 159 мекенжайы бойынша «Аяжан» сауда үйіне қарсы жерде сағат 10.00-ден сағат 19.00-ге дейін жалғасады. Осы күндері 98-40-18, 8-775-412-19-86 телефондары жұмыс жасайды.
БҚО ПД баспасөз қызметі
Версия для печати
Пікір үстеу