КіруПОЛИЦЕЙЛЕР «ХАНКӨЛДЕГІ ЕЛЕС ҚЫЗҒА» ҚАТЫСТЫ ТЕКСЕРУ НӘТИЖЕСІН ЖАРИЯЛАДЫ (видео)
Кейінгі уақытта әлеуметтік желідегі жазбалар арқылы Қаратөбеауданының Ханкөл ауылы аумағында «сары шашты әйелдің елесі» ауыл тұрғындарын қорқытып жүргені туралы жазба тараған болатын. АУдиожазбалармен қоса видеолар да тарады. Полицейлер деректердің шынайылығын тексеру мақсатында тексеру жүргізіп, қорытындысын мәлім етті.
БҚО әкімі және БҚП ПД бастығының тапсырмасына орай Қаратөбе аудандық полиция бөлімшесінің қызметкерлері бейнежазбаның шынайылығын анықтау мақсатында тексеру жүргізді. Ауылға апаратын барлық жолдардың бейнежазбасы бар.
Ауылдың аумағында құмды жол бар екенін, «елес» түсірілген бейнедегідей асфалтьта, ағаштар да жоқ екенін атап өту керек.
Сондай-ақ, полиция қызметкерлері тұрғындармен кездесіп, сұхбат жүргізді. Видеода көрсетілген фактіні ешкім растаған жоқ. Барлығы бірауыздан бұған ұқсас ештеңе көрмегенін және оларды ешкім мазаламағанын мәлімдеді.
Қаратөбе аудандық Полиция бөлімінің міндетін атқарушы, полиция подполковнигі Роман Дүйсеғалиевтың айтуынша, Ханкөл ауылынан Самара-Шымкент жолына дейінгі 14 шақырымдық жол тексерілген. Жолдың жиегінде ауылдың маңында ешқандай тығыз орналасқан орман алқаптары, тал-теректер жоқ екені – бұл видеоның шынайы емес екенін, Қаратөбе ауданына ешқандай қатысы жоқ екенін тағы дәлелдейді.
Осылайша, факт расталмады. «БҚО-дан шыққан елес» түсірілген бейнероликтің Қазақстанға еш қатысы жоқ деген ақпарат та бар. Бұл видео 2019 жылы ресейлік Интернет кеңістігінде бірнеше рет пайда болған және әр автор жаңа сипаттамада жаңа аймақты көрсеткен.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу