КіруПАТРИОТТЫҚ РУХЫМЫЗ БИІК БОЛУЫ КЕРЕК
Жумалиев Шафхат, «Жас сарбаз» жасөспірімдер əскери-патриоттық қозғалысы» республикалық қоғамдық бірлестігінің Батыс Қазақстан облыс филиалының төрағасы:
Елбасы өзінің жолдауында 2019 жылды «Jastar jyly» болсын деп бекіткен болатын. «Expo-2017» көрмесінің «Нұр-əлем» павильонында жастар жылының салтанатты ашылу рəсімі елбасының қатысуымен өткен болатын. Жалпы форумға еліміз бойынша əр аймақтан түрлі саладағы жастар қатысты. 13 спикер Елбасы алдында жəне тікелей эфир арқылы Қазақстандықтардың алдында сөз сөйледі. Əр спикер еліміздің дамуына қосып жатқан үлестерімен бөлісе отырып, ағымдағы жылға жəне алдағы уақытқа арналған жобалары мен жаңа идеялар таныстырылып өтілді. Елбасы алдында сөз сөйлеген азаматтардың бірі «Жас сарбаз» жасөспірімдер əскери – патриоттық қозғалысы» Республикалық қоғамдық бірлестігінің төрағасы, аға лейтенант Мейірбек Меңдіғалиев Оразбайұлы. «Жас сарбаз» аты айтылып тұрғандай əскерге шақырылуға дейінгі, яғни мектеп жасындағы жастардың əскери-патриоттық сезімдерін ояту. Ол үшін Республикамыздың əр облысында жəне аудандарында арнайы сыныптар ашу, оқушылар арасында елбасымыздың жолдауларында айтылғандай жастарды отан сүйгіштікке, бəсекеге қабілетті болуға, өз елінің-жерінің тарихын білетен азаматтар мен азаматшаларды тəрбиелеумен айналасады.
Ағымдағы жылға қойған мақсаттарымыз зор. Əр облыста аталмыш əскери-патриоттық қозғалысының төрағалары тағайындалып, филиалдары өз жұмысын бастау алдында.
Отандастарыма айтарым, соның ішінде жастарға: жастар жылы болғандықтан, Елбасының үлкен сеніммен артқан миссиясын жақсы атқарып шығуымыз үшін бірлесіп еңбек етуіміз қажет. Əр азамат Жолдаулардың мəн-мəнісін түсіне отырып, еліміз үшін еңбек етсе, алдыңғы елдер қатарынан жақын уақытта көрінеріміз сөзсіз.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу