КіруПара бермек болған
БҚО ПД Патрульдік полиция батальонының экипажы қыркүйектің 29 күні сағат шамамен 10:15 кезінде «Самара-Шымкент» тасжолында Подстепный ауылының қасында ҚР ӘҚБтК-нің 601-бабы 1-бөлігі (Жол белгiлерiмен немесе жолдың жүру бөлiгiндегi таңбалармен көрсетiлген талаптарды сақтамау) бойынша құқық бұзушылық жасаған «DAF» маркілі ауыр жүк көлігін тоқтатады.
Көлік рөлінде Беларусия Республикасының 1983 жылы туған азаматы болған. Ол полиция қызметкеріне әкімшілік жауапкершілікке тартпау үшін екі мың рубль көлемінде пара ұсынған. Оқиға орнына Теректі аудандық ПБ жедел-тергеу тобы шақыртылды. Қазіргі уақытта аталған факті бойынша ҚР ҚК-нің 367-бабы 1-бөлігіне (пара беру) сәйкес сотқа дейінгі тергеу амалдары жүргізілуде.
Көлік құралы арнайы тұраққа қойылды. Жүргізушіге қатысты «Келуге міндетті» түріндегі процессуалдық мәжбүрлеу шарасы қолданылды. Айта кету керек, ағымдағы жылдың басында Ішкі істер министрлігімен ішкі істер органдары қызметкерлерінің адалдығын тексеру барысында «Integrrity check» пилоттық жобасы іске қосылған болатын. Қазіргі уақытта әр патрульдік полиция қызметкері, учаскелік полиция инспекторы, сондай-ақ, олардың қызметтік автокөліктері және орындары ақпаратты автоматты түрде жіберетін немесе жедел басқару орталықтарына жедел әрекет ету үшін жүктейтін, азаматтармен тікелей байланыс жасау заманауи фиксаторларымен жабдықталды.
БҚО ПД баспасөз қызметі
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
