КіруОРАЛДЫҚ ЖҮРГІЗУШІЛЕР БАСҚА ҚАЛАЛАРДА ЕМТИХАН ТАПСЫРУҒА МӘЖБҮР
Оралдық жүргізушілер «Е» санатын алу үшін басқа қалаларда емтихан тапсыруға мәжбүр болып жүр. Бұл мәселе 27 қаңтар күні «ANTIKOR ORTALYGY» сервис орталығында БҚО бойынша Сыбайлас жемқорлыққа қарсы қызметі ҚР Мемлекеттік қызмет істері агенттігі Департаменті және арнайы мониторингтік тобы және қоғам өкілдерінің қатысуымен мемлекеттік көрсетілетін қызметтер мәселелері бойынша өткен кеңесте талқыланды.
Қазіргі уақытта БҚО Мамандандырылған ХҚКО арнайы жабдықталған автодромның болмауына байланысты азаматтар «Е» санатындағы жүргізуші куәлігін алу үшін практикалық емтихан тапсыра алмауда (жүк тіркемесі бар құрамды жүргізу құқығы). Осыған байланысты, кандидаттар тиісті автодромы бар басқа қалаларға баруға мәжбүр.
Жиын барысында БҚО Полиция департаменті, кәсіби жүргізушілердің қоғамдық бірлестігі, «Азаматтарға арналған үкімет» мемлекеттік корпорациясы» КЕАҚ БҚО бойынша филиалы өкілдерінің баяндамалары тыңдалды.
Мамандандырылған ХҚКО-ның аталған мемлекеттік көрсетілетін қызметті ұсыну бойынша қалыпты жұмысын қамтамасыз ету мақсатында практикалық емтиханнан өту үшін қолданыстағы автодромның жарамдылығын анықтау жөніндегі арнайы комиссия құру, сарапшылармен бірлесіп БҚО бойынша «Азаматтарға арналған үкімет» мемлекеттік корпорациясы» КЕАҚ тиесілі мотодромда практикалық емтихан тапсыру мүмкіндігін қарастыру, қаланың автомектептеріне тиесілі автодромдарда практикалық емтихандарды ұйымдастыру туралы мәселені қарастыру туралы шешім қабылданды.
Бақылау мерзімі бар тиісті хаттама жасақталды.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу