КіруОРАЛДЫҚ СТУДЕНТ ӘЛЕМ ЧЕМПИОНАТЫНДА ЖҮЛДЕГЕР АТАНДЫ
Жәңгір хан атындағы Батыс Қазақстан аграрлық-техникалық университетінің студенті, ҚР спорт шебері Әділбек Сейсов Өзбекстан елінің Ташкент қаласында өткен Әлем чемпионатында жауынгерлік самбодан 3-орынға ие болып, қола жүлдені жеңіп алды. Бұл туралы БҚАТУ медиа-орталығы хабарлады.
Спортта тағы бір белесті бағындырған спортшы 12-14 қараша күндері өткен әлемдік додада 64 келі салмақ дәрежесі бойынша жүлделі орыннан көрінді.
Жүлдегермен хабарласып, жеңісімен құттықтап, әлем мықтылары боз кілемге шыққан чемпионаттан алған әсерін сұрап білдік. Өзбек палуанына ғана есе жіберіп алғанын айтқан Әділбек Сейсов бұл жеңістің де оңайлықпен келмегенін сезіндірді. – Ең бірінші қарсыласым Египет палуаны болды, оған «ауырту» әдісін қолдану арқылы жеңіске жеткен едім. Одан кейін АҚШ спортшысымен белдесіп, оны 8:3 есебімен ұттым. Үшінші белдесуде Болгария самбошысымен кездесіп, 2:1 есебімен басым түстім. Алайда төртінші белдесуде өзбекстандық палуан «қылғындыру» әдісімен жеңіп кетті, – деді Әділбек Махамбетұлы.
Осылайша ақтық сынға шығу мүмкіндігі өзбек спортшысына бұйырып, жерлесіміз 3-орынға тұрақтаған.
Қазақ елінің намысын қолдан бермеуге тырысқан Жәңгір хан университетінің студентін кезекті жеңісімен құттықтаймыз! Еске сала кетсек, Әділбек Сейсов – БҚАТУ-дың «Алғашқы әскери дайындық және дене тәрбиесі» мамандығының 2-курсында оқиды.
zhaikuni.kz
Версия для печатиСоңғы жаңалықтар
«Ауыл аманаты» ауылды дамытуға серпін беруде: Қаратөбе ауданында сүт өндірісінің ауқымы кеңейіп келеді
Қазақстандықтар елдің даму бағытын жоғары деңгейде оң бағалауын сақтап отыр
Nuctech жобасы Қазақстанның транзиттік әлеуетін арттыруға серпін береді
От хроники к будущему: в Казахстане стартует кинолекторий ТРК Президента
Қоғамдық топтасу: әлеуметтік сауалнама Президент саясатына ауқымды қолдауды айқындады
Мемлекет басшысы «Кітап оқу мәдениетін дамыту және зерделі ұлт қалыптастыру жөніндегі шаралар туралы» Жарлыққа қол қойды
Казахстан оказался самым экономным потребителем воды в Центральной Азии
БҚО-да ветеринариялық және фитосанитариялық бақылау бекеттері жаңғыртылуда
Қасым-Жомарт Тоқаев елімізге мемлекеттік сапармен келген Түркия Президенті Режеп Тайип Ердоғанды қарсы алды
БҚО-да полиция қызметкерлері қорқытып ақша талап ету дерегінің жолын кесті
Модульдік оқу: Батыс Қазақстан облысында «AMANAT» партиясының белсенділері өз құзыреттерін дамытуда
Пікір үстеу