ОРАЛДЫҚ ПОЛИЦЕЙЛЕР 15 ЖАСАР ҚЫЗДЫ ТҮНІ БОЙЫ ІЗДЕДІ
Ол кешкі 21.00 шамасында үйден шығып кетіп, қайта келмеген.
Анасы сағат 22.26-да кезекші бөлімге хабарласып, қызының жоғалып кеткенін, телефон қоңырауына жауап бермейтінін айтқан. Полиция қызметкерлері дереу жеткіншекті іздестіруді ұйымдастырып, түн бойы іздеу жұмыстарын жүргізді. Тек таңға қарай қыздың қайда екені нақтыланған. Анықталғандай, оқушы қыз үй ішіндегілермен ұрысып қалғаннан кейін, хат қалдырып кетіп қалған.
БҚО Полиция департаментінің баспасөз қызметі қазіргі уақытта жасөспірімдер полициясы қызметкерлері қыз баламен және оның ата-анасымен түнідріу және алдын алу жұмыстары жүргізіліп жатқанын мәлім етті.
Айта кетейік, БҚО ПД қылмыстық полиция басқармасының есебінше, 2019 жылы полиция қызметіне адамдардың із-түссіз жоғалғаны туралы 632 өтініш түскен, 579 адам кезекшілік тәулікте іздестірілген.
Версия для печати
Пікір үстеу