КіруОРАЛДА ҚЫЛМЫСТЫҚ ҚҰҚЫҚБҰЗУШЫЛЫҚТАР 20 ПАЙЫЗҒА АЗАЙДЫ
Бүгін Орал қалалық Полиция басқармасында 2019 жылдың жұмыс қорытындысына арналған кеңейтілген жиын өтті. Жиынға Орал қаласының әкімі Абат Абайұлы Шыныбеков, Орал қалалық мәслихатының хатшысы Аққали Үмбетқалиұлы Әубекеров, қалалық мәслихат депутаты Амангелді Шманғалиұлы Ермекқалиев, БҚО ПД бастығының бірінші орынбасары полиция полковнигі Серік Қойсарыұлы Сүйінбаев, Орал қ.ПБ бастығының міндетін атқарушы полиция майоры Жантемір Таңатарұлы Иманалиев, Жолаушы көлігі және автомобиль жолдары бөлімі басшысының міндетін атқарушы Муслим Ғилманұлы Жардемов, Орал қалалық білім беру бөлімінің жауапты қызметкерлері, Орал қ.ПБ, Абай мен Шаған Пб, ППБ, өзге де құрылымдық бөлініс бастықтары мен жеке құрам қатысты.
Жиында алғаш сөз алған басқарма бастығының м.а.полиция майоры Ж.Иманалиев өткен жылдың жұмысын қорытындылап, сеніп тапсырылған бағынысты бөлімдердің жеке құрамымен облыс орталығының аумағында жедел қызмет саласы мен құқықтық тәртіпті нығайтуда атқарылған жұмыстар туралы баяндады.
Есепті мерзім ішінде тіркелген қылмыстық құқық бұзушылықтар 20 пайызға азайған. Қылмыстардың ұрлық, тонау, бұзақылық сынды негізгі түрлері 1295 фактіге азайған, пәтердің тоналуы 277, ұялы телефон ұрлығы 285, қалта ұрлығы 137, көше қылмыстары төмендеп, тонау 13, бұзақылық 71 фактіге төмен. Бұл сандар қылмыстардың алдын алу бағытында бірқатар іс-шаралардың жүйелі атқарылғанын көрсетеді.
Одан әрі жиында А.Ермекқалиев, М.Жәрдемов сөз сөйлеп, полиция басқармасымен бірлесе жүргізілген жұмыстарға оң баға берді.
Жиында қала әкімі А.Шыныбеков әр жылдың соңында жұмыс қорытындысы шығарылып, алға келелі міндеттер қойылатынына тоқталды. Қала тұрғындарының ғаламтор мен әлеуметтік желілердегі белсенділігін айтып, азаматтардың қоғамдық қауіпсіздігін қамтамасыз етіп, уақытпен санаспай жұмыстан табылатын тәртіп сақшыларының кез келген төтенше жағдайларға уақытылы ден қоюларын талап етті. Қаламыздың экологиялық тазалығы мен абаттандырылуына баршамыздың үлес қосып, жол-көлік оқиғаларына тосқауыл қойылуын, бұл үшін екі тараптың бірлескен жұмыс бағдарламасына сай жұмыстар жүргізілетінін баяндады. Бүгінгі таңда қала ішінде 200-дей бейнебақылау камерасы мен 20 мыңға жуық жарық шамдары орнатылып, 323 аула жарықтандырылған. Қала басшысы енді ПИК-інің жаңа жүйеге көшіп, 9 үй жөнделетіні, қоғамдық көліктерге де бейнебақылау камерасы орнатылып, жеке мүлік ұрлығына тосқауыл қою іс шаралары бірлесе жүргізілетінін айтты. Ал басқарма тарапынан айтылған криминалистік бағытта ритуалдармен бірігіп жұмыстану, УПП-іне қолайлы жағдай туғызып, жаңа ғимаратқа көшіру сұрақтары әкімдіктер тарапынан қолдау табатынына сенім білдірді.
БҚО ПД бастығының бірінші орынбасары полиция полковнигі С.Сүйінбаев 2020 жылдың волонтерлар жылы болып белгіленуіне орай еріктілерді іздестіру шараларына көбірек тартуды ұсынды. Бұл үшін жастар ұйымдарымен ынтымақты жұмыс жүргізуге шақырды.Жеке құрам арасында сыбайлас жемқорлыққа жол берілмеуін қатаң талап етті. Жиынды қорытындылаған қала әкімі А.Шыныбеков жұмыла кіріскен әр істің берекелі болатынын айтып, алдағы уақытта жүзеге асатын бағларламалар мен іс шараларға сәттіліктер тіледі.
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу