КіруОРАЛДАҒЫ ЖАҢА №51 МЕКТЕП КҮЗДЕ ПАЙДАЛАНУҒА БЕРІЛЕДІ
Бүгін БҚО-ның әкімі Ғали Есқалиев облыс орталығындағы өткен жылы құрылысы басталған №51 ЖББОМ жұмыс барысымен танысты. Жоспар бойынша білім ордасы 2021 жылдың бірінші тоқсанында тапсырылуы тиіс. Алайда мердігер құрылыс компаниясының өкілдері жұмысты ерте аяқтаймыз деп отыр. Айта кетейік, 900 оқушыға есептелген мектептің құрылысы өткен жылдың маусым айында басталған болатын.
Бүгінде Зашаған кентінде 69 мыңнан астам тұрғын бар. Шағын аудандарда орналасқан №30, №10, №47 мектептерде оқушылар үш ауысыммен оқуда. Осы түйіткілді мәселені шешу бағытында салынып жатқан білім ошағының құрылысына 1 миллиард 731 миллион теңге қаржы бөлінген. Жаңа ғимаратта тас қалау жұмыстары аяқтала келген. Қазір ішкі жөндеумен қатар жарықтандыру, жылу жүйесін тарту жұмыстары атқалылуда. Жоспар бойынша мектеп келер жылдың алғашқы тоқсанында пайдаланылуға берілуі керек болса, мердігер компания құрылыс жұмыстарын ширатып, осы жылдық қыркүйек айында қолданысқа бермек ниетте. Дегенмен, облыс әкімі құрылыста сапаға бас мән беруді мердігер компания басшылығына тапсырды. Жетпіс мыңға жуық тұрғыны бар Зашаған кенті үшін бұл мектеп керек-ақ. Биылғы оқу жылының басында пайдаланылуға беріледі деп межеленген су жаңа нысанға қаладағы №38 мектеп көшіріледі деп жоспарланған. Аталған мектептің директоры Шынар Сағынғалиеваның айтуынша, бүгін білім ошағында 300 оқушы білім алса, соның 180-і осы Зашаған кентінен қатынайды екен.
Мектептің жалпы аумағы төрт гектарды құрайды. Үш қабаттан тұратын, 12 мыңнан астам шаршы метрді құрайтын оқу ғимаратының бірінші қабатында киім ілуге арналған орын, асхана мен шеберханалар орналаспақ. Ал екінші, үшінші қабаттарда кітапхана мен оқу залдары, оқу сыныптары мен спорт зал орналаспақ.
Облыстық білім басқармасы берген мәлімет бойынша аталған 900 орындық мектепті пайдалануға берген жағдайда екі аусыммен 1800 баланы біліммен қамтымақ. Жалпы өңірімізде сегіз мектеп үш аусымда жұмыс жасаса,12 білім ошағы күрделі жөндеуді қажет етеді екен. Айтылған мектептерді күрделі жөндеу немесе жаңасын салу жұмыстары алдағы уақытта да біртіндеп шешімін таппақ.
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу