КіруОРАЛДАҒЫ СУБҰРҚАҚТАРҒА КҮРДЕЛІ ЖӨНДЕУ ЖҮРГІЗІЛЕДІ
Биыл Орал қаласындағы субұрқақтарды абаттандыру жұмыстары басталады. Бұл туралы бүгін өңірлік коммуникациялар қызметінің ақпарат алаңында қала әкімінің орынбасары Мирас Мүлкәй мәлім етті.
Шаһар аумағында 25 су бұрқақ бар. Олардың 11-і Тұңғыш Президент алаңында, 14-і қаланың орталығында орналасқан. Қала әкімі орынбасарының айтуынша, жыл сайын тұрғындар тарапынан субұрқақтардың жағдайына байланысты ескерту-ұсыныстар түсуде. Осыған байланысты былтыр орталықтағы 14 субұрқақты күрделі жөндеуден өткіздің жобалық-сметалық құжаттамасы дайындалған.
– Күрделі жөндеу кезең-кезеңімен жүзеге асырылады. Биыл үш нысан – Чапаев алаңы, С.Датов алаңы, М.Мәметова алаңындағы субұрқақтарға жөндеу жүргізіледі. Қалған нысандар бойынша жөндеу жұмыстары 2021 жылға жоспарланған, – деді Мирас Рүстемұлы.
Биылғы жылы субұрқақтарды жөндеу жұмыстарына 217 000,0 мың теңге көлемінде қаржы қарастырылған.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу