КіруОРАЛДАҒЫ АПАТТЫ МЕКТЕПТЕРДІҢ МӘСЕЛЕСІ
Оралдағы Ет комбинаты ауданындағы апатты деп танылған №33 мектеп ғимаратының құрылысы алдағы жылы басталатын болады. Бұл туралы облыстық құрылыс басқармасының мамандары мәлімдеді.
Оралдағы Ет комбинаты ауданында апатты деп танылған екі мектеп бар. Олар – №31 және №33 мектеп. Қазіргі уақытта оқушылар апатты жағдайдағы №31 орта мектепте білім алып жатыр, 380 орынға есептелген ғимарат 1961 жылы салынғаннан бері күрделі жөндеу көрмеген. Техникалық сараптамаға сәйкес өткен жылы апатты жағдайда деп танылған мектепте қазіргі таңда 410 оқушы екі ауысымда білім алуда. Қаланың бұл ауданында болашақта халық көбеймесе, азаймайды. Жуырда тоғыз қабатты екі үй пайдалануға берілмек. Ш.Айталиев атындағы көшеде үш бірдей бес қабатты үйге тұрғындар қоныстанып үлгерді. Сондықтан мектепте оқушылардың саны азаймасы анық. Енді апатты ғимаратты бұзып, орнына 400 орындық мектеп салу көзделген. Қалалық білім беру бөлімі басшысының міндетін атқарушы Батика Пайдинаның айтуынша, бұзу және салу жұмыстары кезінде оқушылар №32, №34 және №23 мектептерге бөлініп, білім алмақ. Қалада апатты жағдайдағы білім ошағы бір бұл ғана емес. Ал №33 мектепте оқитын 401 бала күні бүгін №2 мектепте білім алуда. Облыстық құрылыс басқармасы басшысының орынбасары Ақжол Ақасовтың айтуынша, ескі ғимараттың орнына 300 орындық жаңа нысанды салудың жобалық-сметалық құжаттамасы (ЖСҚ) жасалып, мемлекеттік сараптамадан өткен.
– Құны 1,3 млрд. теңге болатын №33 мектеп ғимаратына 2020 жылы әуелі 230 млн. теңге бөлініп, құрылысы басталмақ. Ал №8 мектептің ЖСҚ-сын жасақтауға әзірге қаржы бөлінген жоқ, – деді Ақжол Ақасов.
Облыстық дарынды балаларға арналған мамандандырылған №8 мектептің 483 оқушысы қазіргі таңда №37 орта мектепте білім алуда. Бұл білім ордасын жаңадан салу үшін жобалық-сметалық құжаттама жасауға бюджетке өтінім жолданған. Облыстық құрылыс басқармасы мамандарының нақтылауынша, №31 мектеп ғимаратының ЖСҚ-сы мемлекеттік сараптамадан өткеннен кейін алдағы жылы қаржыландыру мәселесі қаралатын болады. Тағы бір түйткілді мәселе – облыста үш ауысымда оқитын мектептердің азаймай отырғаны. Оралда №47, №10, №20, №18, эстетикалық бағыттағы гимназияда және Теректі ауданы Подстепный қазақ мектебінде 9486 оқушы бар. Бұл мәселені шешу үшін 4 мың орындық алты мектеп салу қажет. Соның ішінде әзірге қалада №51 мектеп ғимаратына ел қазынасынан 1 млрд. теңге қаралып, құрылысы басталды.
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу