КіруОРАЛДАҒЫ 5517 ӘСКЕРИ БӨЛІМІНІҢ 500-ГЕ ЖУЫҚ ӘСКЕРИ ҚЫЗМЕТКЕРІ ДИКТАНТ ЖАЗДЫ
Бүгін Орал қаласындағы 5517 әскери бөлімінің жеке құрамы тіл айлығының «Тілге құрмет – елге құрмет» атты акциясы аясында қазақтын ақыны, ағартушы, ойшыл, қазақ әдебиетінің негізін салушы Абай Кұнанбаевтың 175 жылдық мерейтойына орай «Ұлы Абай -халық жүрегінде» атты жалпы республикалық ашық диктантқа қатысты.
Қазақстан Республикасының Ұлттық ұлан «Батыс» өңірліқ қолбасшылығының баспасөз қызметінің бастығы, подполковник Ерболат Сұлтановтың мәліметінше, акцияның мақсаты – қазақ әліпбиін насихаттау және жазу дағдысын қалыптастыру, сондай-ақ мемлекеттік тілді білуге қызығушылықты арттырып өздерінің қазақ тілінде жазу сауаттылығын байқау. Айтулы, шараға ұлттық ұланның 500-ге жуық әскери қызметкері бірнеше топқа бөлініп қатысты. Олар арнайы белгіленген сыныптар мен әскери саптық алаңында арнайы мәтінді ауызша және аудиосын тыңдау арқылы жазды.
-Жалпы республикалық диктантқа біздің 5517 әскери бөлімінің әскери қызметшілері белсенді қатысты. Акция әскердегі жауынгерлік қызметке кедергі келтірген жоқ. Шараның мақсаты–ұлттық ұланның жауынгерлері қазақ әліппесін қаншалықты меңгергендерін бағалау. Қатысушыларға баға қойылмайды. Оларды «нашар жаздың» немесе «үздік» баға алдың деп бөлмейміз. Біздің көздеп отырған мақсатымыз– қоғамымызда халықты ұйыстырушы фактор – мемлекеттік тілді білуге қызығушылықты арттырып, қазақстандық бірегейлікті қалыптастыру, қоғамдық келісім мен ел бірлігін нығайту, – дейді шараны ұйымдастырушы 5517 әскери бөлімінің тәрбие және әлеуметтік-құқықтық жұмыстар жөніндегі бөлімшесінің бастығы мемлекеттік тілді енгізу жөніндегі аға офицері, майор Алмагүл Жұмабекова.
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу