КіруОРАЛДА ТҰҢҒЫШ ПРЕЗИДЕНТ КҮНІНЕ ОРАЙ САЛТАНАТТЫ ЖИЫН ӨТТІ
Бүгін Оралдағы Жастар мәдениет үйінде 1 желтоқсан – Тұңғыш Президент күніне арналған салтанатты жиын өтті. Қала әкімі Абат Шыныбеков оралдықтарды айтулы мерекемен құттықтады.
– 2011 жылдан бастау алған Тұңғыш Президент күні – жақсы шаралармен айшықталып, Елбасыға зор құрмет көрсететін жалпыхалықтық мерекеге айналып отыр. Тұңғыш Президентіміз Нұрсұлтан Назарбаевтың егеменді Қазақстанды құрудағы еңбегі орасан зор екенін барша қазақстандықтар, барша әлем жұртшылығы мойындайды. 1991 жылғы 1 желтоқсандағы жалпыхалықтық сайлауда халықтың басым даусымен жеңіске жетіп, қазақстандықтардың сеніміне ие болған Елбасымыздың осы жылдарда елімізді әлемнің төрткүл бұрышына танытқаны баршамызға аян. Бұл қажырлы еңбектің нәтижесі. Бүгінде еліміздің әр азаматы өзінің қазақстандық екенін зор мақтанышпен айтады. Тәуелсіздік жылдары елімізде қандай қиын жағдай болмасын Нұрсұлтан Әбішұлы алға қойған басты мақсаты – қазақстандықтардың әл-ауқатын арттыру бағытынан айныған жоқ. Бүгінде Елбасымыздың осы еңбегін дамыған мемлекеттердің көшбасшылары да жоғары бағалап отыр. Тәуелсіз Қазақстанның жаңа астанасының бой көтеруі, көптеген әлемдік шаралардың ұйымдастырылуы, еліміздің бейбітсүйгіш, түйткілді мәселелерді шешуде айрықша рөл атқаратын ел ретінде танылуы да Елбасымыздың сындарлы еңбегі деп білеміз. Соның ішінде еліміздің батыс қақпасы, облысымыздың әлеуметтік-экономикалық орталығы – Орал қаласының да елдің экономикалық дамуында үлесі елеулі, – деген қала әкімі Абат Шыныбеков өңірдің көркейіп, гүлденуіне үлес қосқан жандарға мерекелік алғыс хат табыс етті.
ҚР Тұңғыш Президенті Н.Назарбаевпен ұзақ жылдар бірге жұмыстас болып, Домна цехы бастығының орынбасары қызметін атқарған, ҚР еңбек сіңірген жаттықтырушысы, қазіргі уақытта жастар арасында салауатты өмір салтын насихаттап, шаһарды абаттандыру жұмыстарына белсене атсалысып жүрген қаламыздың тұрғыны Асқар Шораев және ҚР еңбек сіңірген жаттықтырушысы, былғары қолғап шебері Темірболат Құбашев алғыс хатпен марапатталды. Қос ардагер Елбасымен кездескен сәттері туралы естеліктерімен бөлісіп, еліміздің тыныштығына тілеулес екендіктерін жеткізді.
Сондай-ақ өңірдегі фотосуретшілер, әр саланың үздік мамандары, «Нұр Отан» партиясының белсенді мүшелері марапатқа ие болды.
Мерекеге арналған салтанатты жиын Жастар мәдениет үйі өнерпаздары ұсынған концерттік бағдарламамен жалғасын тауып, дәстүрлі халық әндері, рухты әндер әуеледі.
Эльмира НҰҒМАНОВА
Версия для печати
Соңғы жаңалықтар
ОСК Құрылтай сайлауына арналған дауыс беру бюллетенінің үлгісін көрсетті
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Пікір үстеу