КіруОРАЛДА ТҰЯҚБЕРДІ ШӘМЕЛОВ АТЫНДАҒЫ КОНКУРС ӨТЕДІ
10-11 қыркүйек күндері Оралда күйші-композитор Тұяқберді Шәмелов атындағы I республикалық әншілер мен домбырашылар арасындағы конкурс өтеді. Конкурсты Қазақстанның Халық әртісі, «Құрмет» орденінің иегері, профессор Тұяқберді Шәмеловтың туғанына 70 жыл толуына орай Батыс Қазақстан облысының әкімдігі, облыстық мәдениет басқармасының қолдауымен Ғ.Құрманғалиев атындағы облыстық филармониясы ұйымдастыруда.
Конкурсқа 18-45 жас аралығындағы Қазақстан Республикасының азаматтары қатысады. Конкурс екі жанрдан тұрады – ән және күй. Облыстық мәдениет басқармасы басшысы С.Дүйсентегінің мәліметінше, конкурсқа еліміздің әр түкпірінен 30 шақты үміткер қатысуға ниет білдіріп отыр. Олардың 17-сі күй жарнында, 13-і ән айтудан өнер көрсетеді. Елімізге танымал өнер адамдары қазылар құрамында болмақ. Қазылар алқасының төрағасы – ҚР Еңбек сіңірген қайраткері, «Парасат» орденінің иегері рофессор, дирижер Айтқали Жайымов.
– Конкурс санитарлық талаптарды сақтай отырып, Х.Бөкеева атындағы қазақ драма театрында өткізіледі. Көрермендер залдың 30 пайыз толымдылығына ғана есептеледі, – дейді Сайран Дүйсентегі.
Ғарифолла Құрманғалиев атындағы Батыс Қазақстан облыстық филармониясының директоры Асхат Қажғалиев таныстырып өткендей, конкурстың мақсаты – Тұяқберді Шәмеловтың шығармашалығын кеңінен насихаттау, төл аспабымыз домбыраға деген қызығушылықты арттырып, жастар арасында оң көзқарас қалыптастыру, еліміздің түкпір-түкпіріндегі домбырашылардың репертуарын жерлесіміздің күйлерімен толықтыру.
– Конкурстың ән жанрына қатысушылар бірінші кезеңде Тұяқберді Шәмеловтің бір әнін минусовкамен және өз таңдауы бойынша халық әндерінен бір ән орындайды. Екінші кезеңінде Дәулеткерей атындағы қазақ халық аспаптары оркестрінің сүйемелдеуімен Тұяқберді Шәмеловтің авторлық екі әні орындалуы тиіс. Ал күй жанры бойынша қатысушылар Тұяқберді Шәмеловтің авторлық екі күйін – «Дәулеткерей-Ақжелең», «Қали–Мәмен Күмбір күй» күйлерімен қатар, күйшінің репертуарындағы екі күйді орындауы тиісті. Күй жанрының екінші кезеңінде Тұяқбердінің «Еділ патша» күйі орындалуы міндетті болса, одан бөлек Тұяқберді Шәмеловтың репертуарындағы үш күйді және өз таңдауы бойынша халық композиторларынан бір күйді орындауы керек, – деп түсіндірді Асхат Тарасұлы.
Конкурстың әр жанры бойынша бас жүлде және бірінші, екінші, үшінші оырн иегерлері анықталады. Сондай-ақ Т.Шәмелов атындағы арнайы жүлде тағайындалып отыр.
Тұяқберді Шәмеловтың шығармашылығын насихаттау тоқтап қалмайды. Дәулеткерей атындағы қазақ халық аспаптары оркестрінің жетекшісі және бас дирижері, «Құрмет» орденінің иегері Еркін Нұрымбетовтың авторлығымен күйші-композитордың шығармаларының алғашқы партитура жинағы шығарылмақ. Конкурсқа арнайы дайындалған бұл жинақта 26 шығармасының партитурасы бар.
Айта кетейік, күйші-композитордың 70 жылдығына арналған шаралар өңірде Жаңақала ауданынан бастау алған болатын. Облыс орталығында оздырылатын конкурстан соң туған жері Бөкей ордасы ауданындағы Саралжын ауылында Тұяқберді Шәмеловке арналған музей бұрышы және мүсіні ашылады деп күтілуде.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу