КіруОРАЛДА «СӘБИ» ЖЕКЕ БАЛАБАҚШАСЫ АШЫЛДЫ
Елорда күні мерекесі қарсаңында жұмысын бастаған бұл нысан «Батыс Сәби» ЖШС ашқан алтыншы мектепке дейінгі ұйым. Мұнда балғындар мектепке дейіні ұйым бағдарламасымен қамтылумен қатар, қосымша дамыту үйірмелеріне қатыса алады. Жаңа балабақша-орталықтың ашылуына Орал қаласы әкімі Абат Шыныбеков қатысты.
– Мемлекет тарапынан мектеп жасына дейінгі балаларды мектепке дейінгі ұйыммен қамтуға ерекше басымдық беріледі. Мемлекет басшысының халыққа арнаған Жолдауларында, «Nur Otan» партиясының сайлауалды бағдарламасында балаларды балабақшамен қамту, тәрбие алуы, мектепке дайындық жүргізуі үшін тиісті жағдай жасау, сонымен қатар үйірмелер арқылы мәдени өсуін, білімдерін көтеруін, сауықтыру шараларын жүзеге асыруды жекеменшік-әріптестік аясында да жүргізуге назар аударылуы тиістігі көрсетілді. Осы орайда кейінгі жылдары мектепке дейінгі балалар ұйымдарын мемлекеттік бағдарламалармен ғана емес, жеке инвестиция тарту арқылы дамытуға көңіл бөлінуде. Ол үшін білім беру жүйесінде әр балаға жан басына шаққандағы қаржыландыру жолға қойылды. Биылдың өзінде Орал қаласында мемлекеттік қаржылық қолдау 2 млрд. 200 млн. теңгеге жеткізілді. Осылайша, 5 мыңнан астам баланы мектепке дейінгі ұйыммен қамтуға және жеке кәсіпкерлердің батыл, сенімді түрде өз істерін ашуға, ең бастысы балалардың тәрбиесіне зор мән беруге мұрындық болып отыр, – деді Абат Абайұлы.
Солтүстік-шығыс шағынауданда орналасқан балабақша ғимаратының аумағы 950 шаршы метр. Мұнда мемлекеттік тапсырыс негізінде 100 бала тәрбиеленетін болады. Балаларды жан-жақты дамыту мақсатында ғимаратта монтессори кабинеті, тұзды шахта, бассейн залы, каратэ және таэковнда спорттық үйірмелеріне арналған залдар жабдықталған.
– Сегіз топқа есептелді. Әзірге үш топқа балалар қабылданып отыр. Балалармен мамандыққа сай білімі бар педагог-тәрбиешілер жұмыс жасайтын болады. Тәрбиеленушілеріміз бес мезгіл тамақтандырылады. Ойыншықтар, кеңсе тауарлары және іс-шараларға қажетті киімдер бар. Ата-аналардың олардың біреуі де сұратылмайды, – дейді «Батыс Сәби» ЖШС директоры Салтанат Лепесова.
Балабақша бес күн бойы таңғы сағат 7.00-ден 19.00-ге дейін жұмыс жасайды.
Айта кетейік, Оралда бүгінде 143 балабақша бар. Оның 70-ке жуығы – жеке бөбекжай. Олар 5156 орынға мемлекеттік тапсырыс алып отыр. Жаңа балабақшаның ашылуымен балақшалармен қамтылатын балалар саны 100-ге көбейді.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу