КіруОРАЛДА ҚОС СПОРТ АЛАҢЫ ПАЙДАЛАНУҒА БЕРІЛДІ
Бүгін Зачаганск кенті тұрғындарының қуанышы еселеніп, жасөспірімдері және барша спорт сүйер қауымға екі бірдей спорт алаңы қолданысқа берілді.
Аталмыш алаңдар кенттің Құс фабрикасы және Балауса аудандарынан орын тепкен. Тәуелсіздік күні мерекесінде Зачаганск кентінің кішкентай тұрғындарына бұндай сыйлықты «Самрұқ-Қазына» АҚ компаниялар тобының “Samruk-KazynaTrust” әлеуметтік жобаларды дамыту қоры сыйға тартып отыр. Әмбебап спорттық және балалар алаңы үш аймақтан тұрады: футбол алаңы, алаң қыс мезгілінде xоккей кортына айналады, балалар алаңы және жаттығу аймағы. Ойын алаңы жасанды жабынмен, ал балалар және жаттығу алаңы жарақат алмас үшін арнайы резеңке жабынмен төселген.
Спорттық алаңдардың ашылу салтанатында Орал қаласының әкімі Абат Шыныбеков өз сөзін жиналғандарды Тәуелсіздік күні мерекесімен құттықтаудан бастады. Спорттың маңызы мен өзектілігін сөз етіп, тұрғындарды салауатты өмір салтын ұстануға шақырды. Сондай-ақ жаңа нысанның ашылуымен құттықтап, осы бағытты дамытуда әлі де талай жұмыстар атқарылатынын жеткізді.
Келесі болып ізгі ниеттің тізбегін жалғаған қоғамдық кеңес төрағасы Қамал Құбашев аталмыш алаңның салынуына ұйтқы болған азаматтарға халықтың алғысын білдіріп, ақ батасын берді.
Спорттық алаңдардың салтанатты ашылуында лента қию құрметі өңіріміздің мақтаныштары, өз саласының шеберлері, жоғары деңгейдегі жаттықтырушы, қол күресінен әлем және Азия чемпиондарын дайындаған бапкер Мұрат Ибатов және желтоқсан айында Нұр-Сұлтан қаласынан әйелдер және ерлер арасында киокушинкай каратэден KWU әлем чемпионатынан қола жүлдемен оралған Эльнара Тоғызбаеваға және Зачаганск кентінің аға буын өкілдері Қарғабаев Бейбіт және Құбашев Камал ағаларымызға ұсынылды. Салтанатты шара аудандардың жасөспірімдері арасында футболдан жолдастық кездесу мен көңілді сөре ойындарымен жалғасты.
Ашық аспан астындағы балалар алаңы лезде әткеншек тепкен бүлдіршіндер мен заманауи спорт құрылғыларын сынауға кіріскен балаларға толды. Бүгінгі салтанатты ашылып, қолданысқа берілген алаңдар қала тұрғындарына және жас спортшыларымызға спорттық әлеуеттерін жүзеге асыруға мүмкіндік, жаңа белестерді бағындыруға жаңа күш береді деп сенеміз.
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу