КіруОРАЛДА МЕРЕКЕЛІК ЖАРТЫЛАЙ МАРАФОН ӨТТІ
Бүгін Орал қаласында «Отан қорғаушылар күні» және «Жеңіс күні» мерекесіне арналған көктемгі жартылай марафон өтті. Мерекелік марафонға 1 мыңдай қала тұрғыны жиналды. Сондай-ақ көршілес облыстардан, аудандардан арнайы келген марафоншылар да шараға қатысты.
Мерекелік марафон қалалық мәдениет және демалыс саябағының оң жағалауында ұйымдастырылды. Жүгіруге қатысушылар 5, 10, 21 шақырымдық қашықтық бойынша сайысты. Облыс әкімі Алтай Көлгінов пен қала әкімінің орынбасары Бақытжан Нарымбетов те жартылай марафонға қатысып, белсенділік танытты.
– Біз батырларымызды ұмытпауымыз керек. Өткен жылдардағы қателіктер қайталанбауы үшін ешкім де, еш нәрсе де ұмытылмауы, аға ұрпаққа құрмет болуы тиіс. Қазір бейбіт аспан астында, татулық пен келісімде өмір сүрудеміз. Елбасының формуласы осы – тұрақтылықпен алға қарай ұмтылу, – деген облыс басшысы Алтай Сейдірұлы облыс тұрғындарына жағымды жаңалықты жеткізді. – Өңірдегі 12 ауданның төртеуінде ғана спорт кешені бар, қалған сегізінде жоқ. Жуырда Мемлекет басшысы Қасым-Жомарт Кемелұлының қабылдауында болғанымда осы мәселе айтылды. Президенттің тапсырмасымен және қолдауымен әр аудан орталықтарында биыл спорт кешендері салынатын болады. Ол үшін қажетті қаржы бөлінді. Облыс орталығанан 600 шақырым қашықтықтағы Бөкей Ордасы ауданынан бастап, барлық ауданда спорт кешені салынады. Сонымен қатар 300 орындық интернатымен бірге салынып жатқан спорт колледждің құрылысы биыл аяқталып, күзде тапсырылады, – деді Алтай Сейдірұлы.
5 шақырымдық қашықтықтағы жартылай марафон бойынша ерлер арасында алғаш болып мәреге 19 минут 30 секундта Мәди Аманғалиев жетті. Екінші орынды 19.54 минуттық көрсеткішпен Азамат Қылыш иеленді. Үздіктер үштігін 21 минуттық көрсеткішпен мәреге жеткен Самат Аманшин түйіндеді.
Ал әйелдер мен қыздар арасында 12 жасар Наталья Панова – бірінші орынды алды.
– Январцев мектебінде оқимын. Спортпен айналысқанды жақсы көремін. Ауылымызда арнайы дайындалатын спорт кешені жоқ. Бірақ, біз тоғайдың ішімен, су жағасында жаттығамыз, – дейді Наталья.
10 шақырымдық жартылай марафонда бірінші орынды 37 минуттық уақытпен Ғамзат Шабдан, екінші орынды 38 минут 57 секундта мәреге келген Оралбек Құттығалиев, үшінші орынды 39,02 минутта мәрден көрінген Нұркен Қасымов алды. Қыздар арасында Аяулы Сисемалиева, Алтынай Нұғманова, Дарья Черноярова жүлделі орындардан көрінді.
21 шақырымдық қашықтықта Атыраудан келіп, марафонға қатысқан Айдын Шалқар үздік көрсеткіш көрсетті. Оның нәтижесі – 1 сағат 22 минут 53 секунд. Алмаз Мирғалиев 1 сағат 37 минут 09 секундта мәреге жетіп, екінші орын алды. Одан 1 секундтан кейін мәреге келген Арман Есенғазиев үшінші орын алды. Қыздар арасында 1 сағат 51 минут 09 секундтық көрсеткішпен Ләззат Төлепберген – бірінші, 1 сағат 55 минут 56 секундтық нәтижемен Анастасия Вавилина – екінші, 1 сағат 58 минут 12 секундта мәреге келген Әсел Мырзахметова – үшінші орын иеленді.
Эльмира НҰҒМАНОВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу