КіруОРАЛДА ҰЛТТЫҚ ТӘУЕЛСІЗДІК ЖОЛЫНДАҒЫ ҚАЗАҚ ЗИЯЛЫЛАРЫНЫҢ РӨЛІНЕ АРНАЛҒАН КОНФЕРЕНЦИЯ ӨТЕДІ
12 желтоқсан күні Оралда дәстүрлі «Жаһанша оқулары» жобасы аясында «Қазақ зиялылары ұлттық тәуелсіздік жолында: ХХ ғасырдың бірінші ширегі» тақырыбында ғылыми-тәжірибелік конференция өтеді.
Конференцияның пленарлық мәжілісі Х.Бөкеева атындағы қазақ драма театрында сағ.9.00-де басталады.
Бұл шараға тарих ғылымдарының докторы, академик Т.Рысбеков, Батыс Қазақстан инновациялық-технологиялық университетінің профессоры, филология ғылымдарының докторы М.Сабыр, Германиядағы Бонн университеті Шығыстану және азиялық зерттеулер институтының докторы, профессор Н.Кенжеахмет, Алматыдағы Әл-Фараби атындағы Қазақ ұлттық университетінің профессоры, заң ғылымдарының докторы Ш.Забих, Халықаралық «Қазақ тілі» ұйымы Ресей Федерациясы филиалының және Орынбор «Достық үйі» қоғамдық бірлестігінің жетекшісі Сауле Тайкешева қатысады деп күтілуде.
Конференцияда мемелекет және қоғам қайраткері Ораз Исаев, ХХ ғасырдың басындағы саяси қайраткер Жаһанша Досмұхамедовтың мемлекеттік және құқықтық көзқарасы, Мұстафа Шоқайдың мемлекеттік көзқарасы, «Алаш» ұлттық автономиясының концепциясы, ХХ ғасырдың алғашқы ширегіндегі қазақ зиялыларының рөлі туралы баяндама жасалады.
Сондай-ақ қазақ зиялыларының өмірі және қоғамдық-саяси қызметі, құқықтық, әлеуметтік, зайырлы мемлекет құрудағы қазақ зиялыларының тарихи көзқарастары әдебиет, ұлттық тіл, жазу, емле ережелері тақырыптары бойынша секциялық отырыстар өтеді.
Айта кетейік, конференцияны ұйымдастыруға Батыс Қазақстан инновациялық-технологиялық университеті мен Ж.Досмұхамедов атындағы педагогикалық колледжі ұжымы ұйтқы болып отыр.
Версия для печатиСоңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу