КіруОРАЛДА ҰЛТТЫҚ ҰЛАНДЫҚТАР 30-ДАН АСТАМ БАЛАҒА ЖАҢАЖЫЛДЫҚ СЫЙЛЫҚТАР ҰСЫНДЫ
Жаңа жыл қарсаңында Қазақстан Республикасы Ұлттық ұланың 5517 әскери бөлімінің командирі подполковник Ербол Антай бөлімнің әйелдер кеңесінің мүшелерімен бірге келе жатқан Жаңа жыл мерекелерімен құттықтап, әскери қызметшілердің көп балалы отбасыларынан шыққан 30-дан астам балаға жаңа жылдық сыйлықтар табыс етті. Оларға азық-түлік жиынтықтары мен тәтті сыйлықтар берілді.
– Карантинге байланысты, біз барлық балаларды жинай алмадық, алайда әр отбасына барып құттықтаймыз. Өйткені, балалар – біздің болашағымыз. Олар – ертеңгі мемлекеттік қызметкерлер, ғарышкерлер, әртістер, дәрігерлер, әскери қызметкерлер, полиция қызметкерлері. Біздің, ересектердің міндеті – бұл үшін барлық жағдайды жасау, – дейді подполковник Е.Антай.
Содан кейін Әскери Аяз Ата, ертегі кейіпкерінің немересі Ақшақармен бірге ерекше назар аударуды қажет ететін балаларды тәрбиелеп отырған әскери қызметшілердің отбасыларына барып, оларға сыйлықтар табыс етті.
Өз кезегінде балалардан жаңа жылдық өлең айтуды немесе ән айтуды сұрады. Барған пәтерлердің көпшілігінде олар жаңа жылға дайын болды: қысқы қонақтарды шыршалар, гирляндалар және мерекелік көңіл-күй күтіп тұрды.
Жаңа жылдық ертегі кейіпкерлерінің сапары балалардың Аяз Ата мен Ақшақармен жақынырақ танысуына себеп болды. Өз кезегінде Аяз Ата әр баланы ерекше ықыласпен және мұқият тыңдады.
-Жаңа жыл қарсаңында біздің әскери қызметшілердің балаларды құттықтауы жақсы дәстүрге айналды. Әсіресе, балалардың сыйлықтар алуы, ең бастысы, ата-аналары қызмет ететін бөлімнің басшылығы тарапынан қамқорлық пен назар аударғаны қуантады. Жаңа жыл – сиқырлы және тілектерді орындау мерекесі. Ол әрқашан ең жақсысына үміт артады. Келесі жылы бізді қуанышты және бақытты сәттер алып жүрсін. Денсаулық, амандық, бар жақсылықты тілеймін, – деді 5517 әскери бөлімінің әйелдер кеңесінің төрайымы сержант Злиха Оразаева.
подполковник Ерболат Сұлтанов
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу