КіруОРАЛДА КОРОНОВИРУС ИНФЕКЦИЯСЫН ЖҰҚТЫРҒАНДАР ТІРКЕЛГЕН ЖОҚ
БҚО тауарлар мен көрсетілетін қызметтердің сапасы мен қауіпсіздігін бақылау департаменті қала және облыс тұрғындарын желіде таралып жатқан жалған ақпараттарға емес, тек ресми ақпарат көздеріне ғана сенуді сұрайды.
Департамент мамандарының хабарлауынша, Қытай Халық Республикасындағы эпидемиологиялық жағдайға байланысты медициналық қызметкерлер ҚХР-дан жақында ғана келген адамдарға қоңырау шалып, араларынан ЖРВИ белгілері бар адамдарды анықтады. Іс-әрекеттер алгоритміне сәйкес, ЖРВИ белгілері бар тұлғаларға медициналық тексеру жүргізілді. Зертханалық зерттеу нәтижелері бойынша, ҚХР келгендердің біріне ЖРВИ диагнозы қойылды. Онымен байланыста болған екінші адамнан «В» типті тұмау вирусы анықталды.
Олар қазір облыстық жұқпалы аурулар ауруханасына жатқызылған. Жағдайлары қанағаттанарлық және негізгі аурулары ЖРВИ мен тұмау бойынша қажетті симптоматикалық ем алуда.
Айта кетейік, 27 қаңтар күні Оралда жаңа үлгідегі коронавирустық инфекция ауруына күдікті науқастарды анықтау, эпидемияға қарсы іс-шараларды жүргізу, ошақта дезинфекция жасау кезінде мүдделі ведомстволардың дайындығын тексеру мақсатында оқу-жаттығу өткізілген болатын.
Соңғы жаңалықтар
Батысқазақстандық полиция қызметкерлеріне гуманитарлық көмек жіберілді
ҚР Премьер-Министрінің бірінші орынбасары су тасқыны орын алған аумақтарды көрді
Пікір үстеу