КіруОРАЛДА ЕР АЗАМАТ КӨШЕ БОЙЫНДА ӨЗІНЕ ҚОЛ ЖҰМСАМАҚ БОЛДЫ
Оралда ер азамат өзінің тамағын кесіп, денесін зақымдамақ болды. Оқиға орталық көшелердің бірінде болған. Әп-сәтте әлеуметтік желіде таралып, жұртшылықты елең еткізген жағдайға байланысты БҚО Полиция департаментінің баспасөз қызметі түсінік берді.
27 мамыр сағат 9.26-да 102 қызметіне Орал қаласының 1989 жылғы тұрғыны хабарласып, 26 мамырдан 27 мамырға қараған түні белгісіз адамдардың есігінің алдында тұрған Kia Sportage маркілі автокөлігін айдап кеткенін хабарлаған. Ақпарат түскен бойда «Тосқауыл» («Перехват») жоспары хабарланып, аталған көлікті іздестіруге Орал қаласы Полиция басқармасының жеке құрамы толық жұмылдырылды.
Сағат 12.25 шамасында бұл көліктің Ж.Досмұхамедов көшесіндегі жеке үйлердің жанында тұрғаны байқалған. Үй ауласында екі азамат болған. Олардың біреуі сол жерде ұсталып, екіншісі полиция қызметкерлерінен қашпақ болған. Полицейлер артынан қуған кезде ол өзінің денесіне жарақат салып, көше бойында өз тамағын пышақпен кесіп үлгеріпті.
Полиция қызметкерлерінің жедел әрекетінің арқасында ол ұсталып, дереу жедел жәрдем қызметі шақырылған. Алғашқы көмек көрсетілген соң, құқықбұзушы полицейлерге қайта тапсырылды. Қазіргі уақытта тексеру амалдары жүргізілуде.
Сондай-ақ ПД баспасөз қызметі оның орта дәрежеде мас күйде болғанын хабарлады.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу