КіруОралда дәрігерлер жарты келі шаш жеген қыздың өмірін аман алып қалды
Орал қаласындағы облыстық көпбейінді балалар ауруханасының дәрігерлері аса сирек кездесетін операция жасап, 13 жастағы қыздың өмірін сақтап қалды. Жасөспірімнің асқазанынан жарты келідей шаш алынған. Дәрігерлердің айтуынша, мұндай жағдай олардың тәжірибесінде алғаш рет тіркеліп отыр.
Науқастың анасы қызының соңғы кездері тәбеті төмендеп, өзін жайсыз сезінетінін байқаған. Дәрігерге жүгінген кезде қыздың асқазанында бөгде зат бар екені анықталған. Бір сағатқа созылған операция кезінде хирургтар асқазан ішінен ұйысқан шашты алып шықты.Балалар хирургиясы бөлімінің меңгерушісі Әліби Төлегеновтың айтуынша, анасы қызының мұндай әдетін 3-4 жыл бұрын байқаған. «Қыз кішкентай кезінен бастап тырнағын жейтін әдетке ие болған екен. Кейіннен бұл әдет шаш жеуге ұласқан. Мұндай жағдайда міндетті түрде психологтың көмегі қажет», – дейді дәрігер.
Мамандардың айтуынша, күйзеліске ұшыраған балалар кейде өз шашын жұлып, жеуге бейім келеді. Бұл – өте сирек, бірақ аса қауіпті жағдай. Уақытылы ем жасалмаса, ас қорыту жолдары бітеліп, тіпті өлімге алып келуі мүмкін.Қазіргі таңда науқастың жағдайы тұрақты. Ол қажетті ем қабылдап жатыр. Дәрігерлер ата-аналарды балалардың психологиялық жағдайына ерте бастан мән беруге шақырады. Себебі мұндай зиянды әдеттер дер кезінде анықталып, емделмесе, салдары өте ауыр болуы мүмкін.
Айнара ИСА
Соңғы жаңалықтар
Қазақстан Республикасының Президенті Қасым-Жомарт Тоқаевтың Астана күнімен құттықтауы
Мемлекет басшысы Қасым-Жомарт Тоқаев құқық қорғау органдарының кеңейтілген алқа мәжілісінде сөз сөйледі
Жәнібек аудандық сотында 11 жыл бұрынғы өлім фактісін анықтау туралы азаматтық іс қаралды
Оралда жол апаты: үш көлік соқтығысып, жаяу жүргінші жолы тағы да қауіпке айналды!
Тоқаев Қытай үкіметіне 1500 ақбөкен сыйға тарту туралы шешімін жариялады
Батыс Қазақстан облысында энергетикалық әлеуетін арттыру жұмыстары жалғасуда
Об Агентстве по атомной энергии Республики Казахстан
