КіруОРАЛДА АҚЫН АҚҰШТАП БАҚТЫГЕРЕЙҚЫЗЫНЫҢ ШЫҒАРМАШЫЛЫҚ КЕШІ ӨТТІ (ФОТО)
Бүгін Оралдағы Х.Бөкеева атындағы қазақ драма театрында Қазақстанның еңбек сіңірген қайраткері, Халықаралық «Алаш» сыйлығының, ҚР Мемлекеттік сыйлығының және «Құрмет» орденінің иегері, ақын Ақұштап Бақтыгерееваның шығармашылығына арналған «Өлең-өмір» атты әдеби-музыкалық кеш өтті.
Ақынның мерейтойына орай өткен шараға облыс әкімі Ғали Есқалиев, Нұр-Сұлтан қаласынан, Алматы, Атырау облыстарынан келген қонақтар, өңірдің зиялы қауымы мен жыр сүйер оқырмандар жиналды.
– Ақұштап апамыз – ешкімге ұқсамайтын жырдың анасы. Әрқашан ақ сөйлеп, адал күлетін, шындықты жақтап жүретін, сыйластық сырын білетін, жоқтыққа тарылмайтын, арманнан арылмайтын жан. Ақын апамыз Тәңір берген талантымен, болмысына тән мықтылығымен, тілінің өткірлігімен, өмір шындығын теңдессіз зерделеген ой жинақылығымен поэзия әлемінің биік шыңдарын өз еркіне бағындырған, – деп бастады құттықтау сөзін облыс әкімі Ғали Нәжімеденұлы, – Иә, Ақұштап апамыздың шығармашылық әлеуеті ешкімге ұқсамайтын ойшылдықпен, биік парасатпен, сазды жырларымен ерекше. Бүгінгі таңда Ақұштап Бақтыгерейқызын көпшілік тек қарымды қаламгер деп емес, сондай-ақ елдің мәртебесін, мәдениет, өнер, ұлттық рухты асқақтатып жүрген қайраткер деп біледі, әрі құрмет тұтады. Ал ұрпақтардың алдында аяулы ана, ардақты әже абыройына ие. Бүгінгі өтіп жатқан осынау тамаша кеш Жайық жұртшылығына үлкен қуаныш сыйлайтыны анық. Ақұштап ақынның ел үшін, ұрпақ тәрбиесі үшін атқарып келе жатқан еңбегі елеулі. Қарымды қаламынан туған қуатты әрі шынайы шығармалар ұрпақтан ұрпаққа жететін құнды мұра, – деген өңір басшысы Ақұштап Бақтыгерейқызына игі лебізін арнап, ақынға камзол кигізіп, иығына ақ жаулық жапты.
Сонымен қатар сахна төріне Қазақстан Жазушылар Одағы басқармасының хатшысы, басқарма төрағасының баспа ісі жөніндегі кеңесшісі, Халықаралық «Алаш» сыйлығының иегері, ақын Ғалым Қалибекұлы, Халықаралық «Алаш» сыйлығының иегері, жазушы-журналист, мәдениеттанушы Сара Ләтиева, ҚР еңбек сіңірген қайраткері, Халықаралық «Алаш» сыйлығының және Президент сыйлығының лауреаты, «Парасат» орденінің иегері, журналист, сатирик Көпен Әмірбек шығып, құттықтауларын жеткізді.
Шараға арнайы келген Нұр-Сұлтан қаласы мәдениет және спорт басқармасының басышысы Нұрлан Сыдықов Нұр-Сұлтан қаласы әкімі Алтай Көлгіновтың, Атырау облысы әкімінің орынбасары Әлібек Нәутиев Атырау облысының әкімі Нұрлан Ноғаевтың құттықтау хаттары мен сый-сыяпаттарын табыстады.
Ақынның әдеби-музыкалық кешіне қатысқан ҚР Халық әртісі, мемлекеттік сыйлықтың иегері, Т.Жүргенов атындағы ұлттық өнер академиясының құрметті профессоры Роза Рымбаева Ақұштап Бақтыгерееваның өлеңіне жазылған әндерді орындады.
Облыстық халық шығармашылығы орталығының ұйымдастыруымен өткен шарада Ақұштап Бақтыгерейқызының өлеңдері оқылып, ақынның өлеңдеріне жазылған әндер шырқалды.
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу