КіруОРАЛДА 38 ЖАСАР ӘЙЕЛ ЖОЛ АПАТЫНАН ҚАЗА ТАПТЫ
Оралда жол апатынан бір адам қаза тауып, екеуі жарақат алды.
БҚО полиция департаментінің баспасөз қызметкері Асылай Ғұбашеваның айтуынша «Газель» автокөлігінің жүргізушісі С.Штыб көшесімен қиылыста рульге ие бола алмай, тоқтап тұрған қар тазартатын трактормен соқтығысқан.
– Қазіргі кезде ҚР ҚК 345-бабы 3-бөлігіне сәйкес (абайсызда адам өліміне соқтырған жол жүру ережесін бұзу) сотқа дейінгі тергеу амалдары басталды. Соның салдарынан «Газель» автокөлігінде отырған қала тұрғыны қаза тапты. Үш жасар бала қалалық көпбейінді ауруханаға жеткізілуде, – деді Асылай Ғұбашева.
Облыстық денсаулық сақтау басқармасының мамандарының мәлімдеуінше жол апатынан үш адам зардап шеккен. Жабық бас-ми және басқа жарақат алып, миы шайқалған 38 жастағы әйел жедел жәрдем көлігінде көз жұмды. Жабық бас-ми жарақатын алып, миы шайқалған үш жасар бала мен 40 жастағы ер адам қалалық көпбейінді ауруханаға жеткізілді.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу