КіруОРАЛДА 17 ҮЙГЕ ЖӨНДЕУ ЖҮРГІЗІЛЕДІ
Бүгін Орал қаласы әкімі Мұрат Мұқаев Шевченко 65 мекен-жайында орналасқан үйдің тұрғындарымен кездесті.
Шаһар басшысымен қатар жобалаушы және мердігер компания басшылары тұрғындардың шатыр жөндеу жұмыстары бойынша өтініштерін тыңдады. Баршаңызға белгілі, биыл қыста қардың көп түсуі салдарынан Орал қаласы бойынша 22 көппәтерлі тұрғын үйлердің шатырлары ішінара опырылған болатын. Сол мезетте қала әкімінің тапсырмасы бойынша қалалық тұрғын үй-коммуналдық шаруашылығы және тұрғын үй инспекциясы бөлімі, ПИК-тері және тұрғындар шатырға күрделі жөндеу жұмыстарын жүргізу туралы әр үйде жалпы жиналыстар өткізіліп, нақты жұмыстар бастаған еді.
Сонымен қатар, пәтерлерді су басуын алдын-алу мақсатында тұрғындар ПИК-мен бірлескен түрде арнайы қаражат жинау арқылы құрылыс компанияларын тарта отырып, шатырды қалпына келтіру жұмыстарын аяқтады. Атап айтар болсақ, пәтер иелерінен қосымша қаражат жинау арқылы 18 үй өз шатырларын жөндеп алды. Ал қалған 4 көпқабатты тұрғын үй бүгінде мемлекеттік тұрғын үй-коммуналдық шаруашылықты жаңғырту бағдарламасы бойынша шатырды күрделі жөндеу жұмыстарына құжаттарын рәсімдеуде.
Естеріңізге сала кетейік, тұрғын үй-коммуналдық шаруашылықты жаңғыртудың 2011-2020 жылдарға арналған бағдарламасы аясында Орал қаласы бойынша 103 көппәтерлi тұрғын үй жөнделген болатын.
Биыл бюджеттік қаражат есебінен 17 үйді жөндеу жоспарланса, соның ішінде 3 нысан шатырды күрделі жөндеу, ал 14 нысанның жедел сатылары ауыстырылады.
Орал қаласы әкімдігінің баспасөз қызметі
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу