КіруОРАЛ ҚАЛАСЫНДАҒЫ ЕКІ ЕМХАНАҒА ЖЕДЕЛ ЖӘРДЕМ КӨЛІГІ БЕРІЛДІ
Батыс Қазақстан облысының медициналық мекемелері жаңа жедел жәрдем көліктерімен толықты. Демеушілер арқылы алынған жедел жәрдем көліктері екі қалалық емханаға берілді. Бұған дейін аймаққа гуманитарлық жүкпен өкпені жасанды желдету, импульстік оксиметр және оттегі концентраторлары аппараттары келген болатын.
Бұл көмек «Самұрық-Қазына» АҚ пен Қазақстан Республикасы Денсаулық сақтау министрлігі арасындағы ынтымақтастық туралы меморандум аясында көрсетіліп отыр. «Самұрық-Қазына» АҚ компаниялар тобының бірыңғай қайырымдылық операторы – «Samruk-KazynaTrust» әлеуметтік жобаларды дамыту қоры» қажетті жабдықты сатып алып, өңірлерге тапсырды. Оның ішінде Батыс Қазақстан облысына 4 өкпені жасанды желдету құралы, 30 оттегі концентраторы, 60 пульстік оксиметр ұсынылған. Сондай-ақ, өңірге ShevroletDamas маркілі екі жедел жәрдем көлігі берілді.
– Демеушілерге үлкен алғысымды білдіргім келеді. «Самұрық-Қазына» АҚ мен «Samruk-Kazyna Trust Fund» көрсеткен көмек дер кезінде жасалған қолдау. Бұл жабдықтардың барлығы облыстық жалпы аурухана үшін коронавируспен күресте жақсы қорған болды. Осындай бірлескен күш-жігермен екінші толқынға дайындала аламыз деп үміттенеміз. Сонымен қатар, бұл құрылғылар ауруларды емдеуде қосымша құрылғылар қажет болатын басқа да науқастарымызға көмектеседі, – дейді облыстық көпбейінді аурухана директоры Арман Байдеуов.
«Самұрық-Қазына» АҚ ұсынған осындай жиынтықтар бар әр өңірге және республикалық маңызы бар қалаларға берілмек. «Самұрық-ҚазынаТраст» қорының ресми өкілі Мирас Иргебаевтың айтуынша, бұл шаралар біздің медицинаның жұқпалы аурулардың, оның ішінде COVID-19 коронавирустық инфекциясының өршуіне қарсы тұруға дайындық деңгейін арттыру және ұлттық денсаулық сақтау жүйесін нығайту үшін жасалуда.
Бұл ретте меморандум шеңберінде Қазақстанның медициналық мекемелеріне барлығы 100 жедел жәрдем көлігі, 1000 оттегі концентраторы, 50 желдеткіш және 1000 пульстік оксиметр жеткізілген.
Жедел жәрдем машиналарының бірін алған №1 қалалық емхананың директоры Светлана Ермекқалиева мұндай сыйлық үшін Samruk-Kazyna Trust компаниясына ризашылығын білдірді. Қазір ең көп халыққа қызмет көрсететін медициналық мекемедегі дәрігерлердің ұтқырлығы едәуір өсті. Осы клиникада бірнеше жедел жәрдем бригадасы жұмыс істейді, олар коронавирустық эпидемияның жедел кезеңінде тиімділігін көрсетті. Сол кезде қолда бар ыңғайлы машиналарды пайдаланған болса, енді қажетті құрал-жабдықтармен, жедел жәрдем көлігімен жабдықталған дәрігерлер тез арада шақырту орнына шығып, пациенттеріне медициналық қызмет көрсете алады, қажет болған жағдайда оларды ауруханаларға жеткізе алады.
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу