КіруОРАЛ ҚАЛАСЫ ӘКІМІ БІЛІМ ҰЙЫМДАРЫНЫҢ ҚҰРЫЛЫС ЖҰМЫСТАРЫН ҚАДАҒАЛАДЫ
Бір айдан соң жаңа оқу жылы басталмақ. Осы орайда 30 шілде күні Орал қаласының әкімі Абат Шыныбеков шаһардағы ағымдағы және күрделі жөндеу жұмыстары жүргізіліп жатқан бірқатар білім ұйымдарын аралап шықты. Сонымен қатар жаңа мектептердің құрылыс жұмыстарын да бақылауға алды.
Алдымен қала әкімі «Меловые горки» елдімекенінде салынып жатқан 300 орындық мектептің құрылысына барды. Бұл ауылдағы №18 негізгі мектебі оқушыларға үш ауысымда білім береді. Жаңа мектеп салу арқылы үш ауысымды оқыту мәселесін шешу көзделген. Мердігер мекеме – «Альтаир» ЖШС. Екі ай бұрын басталған құрылыс жұмыстары 2022 жылдың бірінші тоқсанында аяқталмақ.
– Құрылыста 80 шақты адам жұмыс жасауда. Техника өзіміздікі, құрылыс материалдарын жергілікті кәсіпорындардан алып жатырмыз. Қазіргі уақытта бетон құю жұмыстары жүргізілуде. Қыркүйек айында тас қалауды басталады. Жұмыс күші жеткілікті, – деді учаске басшысы Владимир Гальчанский.
Күні ертең жаңа оқу жылы басталатынын еске салған қала басшысы мердігер мекеме өкілдеріне қауіпсіздік қағидаларын ұмытпауды ескертті. Сонымен қатар жұмыстың сапалы болуы керектігін баса айтты.
Бұдан соң қала басшысы соң апатты деп танылуына байланысты қайтадан салынып жатқан №33 жалпы білім беретін мектептің құрылыс алаңына барды. Сондай-ақ №13 орта мектепке келіп, мұндағы күрделі жөндеу жұмыстарымен танысты.
Толығырақ «Жайық үні-Жизнь города» газетінің 2021 жылдың 5 тамызы күнгі №30 санынан оқи аласыздар.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу