КіруОРАЛ ҚАЛАСЫ ӘКІМІ «АЛТЫН БЕЛГІ» ИЕГЕРЛЕРІН ҚҰТТЫҚТАДЫ
Бүгін Орал қаласының әкімі Абат Шыныбеков 11 жыл бойы үздік нәтиже көрсетіп, мыңнан тұлпар атанған, жоғары білім көрсетіп, артқан үмітті ақтаған «Алтын белгі» иегерлерімен кездесті. Салтанатты шара онлайн түрде ұйымдастырылды.
Биыл Оралда қала мектептері бойынша 49 955 оқушы кезекті оқу жылын аяқтаса, оның ішінде 2013 мектеп түлегі жаңа өмірге қадам басты. 86 мектеп түлегі «Алтын белгі» иегері, 70 түлек үздік аттестат иегері атанды.
– Қымбатты мектеп бітіруші түлектер, әрқайсыңыз алтын ұя мектептеріңізде 11 жыл оқып, ұстаздар тарапынан сапалы білім, саналы тәрбие алып, өмірдің үлкен көшіне аяқ басқалы отырсыздар. Алдағы үлкен өмір – ол сіздердің келешектеріңіз. Сіздердің осы алған білімдеріңіз, таңдаған мамандықтарыңыз ертеңгі өмірлеріңіздің үлкен жолы. Он бір жыл мектепте үздік оқып, ата-ана мен ұстаздарының қуанышы болған мектеп бітіруші түлектер – қаламыздың ғана емес, еліміздің де мақтанышы. Еліміздің болашағы – Сіздердің қолдарыңызда. Сондықтан қай кезде де терең білім алу жолында жалықпай, талмай ізденіп, ел тізгінін ұстайтын азамат болуларыңызға ізгі тілегімді арнаймын. Отансүйгіштік рухтарың мықты болып, азаматтық жігерлерің мұқалмасын. «Ұстаз бақыты – шәкірт жүзіндегі қуаныш» деп даналық сөзде айтылғандай, сіздердің жетістіктеріңіз бен бақытты болуларыңыз бәріміздің ортақ тілегіміз. Үлкен өмірдің жаңа парағын ашқалы отырған Сіздерге асыл арман, таудай талап, кемел білім, жарқын болашақ тілеймін, – деді шаһар басшысы Абат Абайұлы.
Сондай-ақ қала әкімі әлемді жайлаған пандемияға байланысты елімізде төтенше жағдай жарияланып, сақтық шараларын сақтау мақсатында мектептер оқушыларын қашықтан оқытып, соңғы қоңырау рәсімі онлайн түрде өткізілгеніне тоқталып, осы сындарлы сәтте қиын жағдайға қарамастан оқушыларды білім нәрімен сусындатып, оқу үрдісін нәтижелі ұйымдастыра білген ұстаздарға, балаларға тіреу болып, қолдау білдірген ата-аналар қауымына зор алғысын жеткізді.
Түлектер атынан Ахат Әбдрахманов, Лиана Кизилова, Сымбат Давлетчарова, Глеб Лобашкин сөз алып, шаһар басшысына және өздерін оқытқан ұстаздарына ризашылықтарын білдірді.
Салтанатты шарада қала әкімі атынан түлектерге кітап пен бағалы сыйлық табыс етілді.
Айта кетейік, қала бойынша 1691 түлек ҰБТ орталығына онлайн тіркелген. Яғни мектеп түлектерінің 84 пайызы ҰБТ тапсырады. «Алтын белгі» иегерлері ішінен қазірдің өзінде әр түрлі жоғары оқу орындарының грант иегерлері атанып отырғандары да бар. №6 жалпы орта білім беретін мектептен Ангелина Абдурахманова химиялық инженерия бағыты бойынша Батыс Қазақстан аграрлық-техникалық университетінің грантын ұтып алған. №27 мектеп-лицейінің түлегі Зарина Габдуллина және №44 мектеп гимназиясының түлегі Жұлдыз Алтаева Назарбаев Университетінің студенттері атанып отыр. №35 мектеп лицейінің түлегі Глеб Лобашкин Қазақстан-Британ техникалық университетінің, Алина Искакова Канада университетінің грант иегерлері. Альфия Сятова, Мария Клосс және Әмина Кенесары Мәскеу, УФА қалаларының жоғары оқу орындарына түсіп отыр.
zhaikuni.kz
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу