КіруОРАЛ ҚАЛАСЫ БІЛІМ БӨЛІМІНІҢ БАСШЫСЫ ТАҒАЙЫНДАЛДЫ
«Қазақстан Республикасының мемлекеттік қызметі туралы» Қазақстан Республикасының Заңына сәйкес ҚР Білім және ғылым министрлігінің 2020 жылғы 10 ақпанындағы келісімі негізінде облыстық білім басқармасының бұйрығымен Орал қалалық білім беру бөлімінің басшысы лауазымына конкурстық негізінде Ақжарқын Темірханова қабылданды.
Ақжарқын Мүтиғоллақызы Темірханова 1970 жылы Қазталов ауданында дүниеге келген.
1993 жылы А.С. Пушкин атындағы педагогикалық институтын «Математика, информатика және есептеуіш техникасы пәнінің мұғалімі» мамандығы бойынша тәмәмдаған.
1993-2000 жылдары А.Иманов атындағы №12 КТЛ – математика пәні мұғалімі, 2000-2003 жылдары №44 орта жалпы білім беретін мектебінің директор орынбасары, 2003-2020 жылдары №44 орта жалпы білім беретін мектебінің директоры қызметін атқарған.
ҚР Тәуелсіздігі 20 жылдық медалімен, ҚР БжҒМ «Ы.Алтынсарин» төсбелгісімен марапатталған.
Орал қаласының әкімі Абат Шыныбеков және БҚО білім басқармасының басшысы А.Тржанова жаңа басшыны бөлім қызметкерлеріне таныстырып, жаңа жұмысына сәттілік тіледі. Білім саласы бойынша Елбасы қойған тапсырмаларды барлық мектеп директорларымен қоян-қолтық жұмыс жасап, орындау тапсырылды.
Соңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу