КіруОРАЛ ҚАЛАЛЫҚ КІТАПХАНАСЫНДА «АБАЙ ЗАЛЫ» АШЫЛДЫ
Болашақта залда Абайға қатысты, ұлттық руханият, қазақ әдебиетіне байланысты кездесулер, дөңгелек үстелдер, көрмелер, мәдени іс-шаралар өткізілмек. Сондай-ақ жерлес қаламгерлермен «Әдеби сыр-сұхбат» телевизиялық бағдарламасын осы залда түсіру жоспарланған.
Ұлы ақынның 175 жылдығына орай жабдықталған «Абай залының» ашылуына қатысқан Орал қаласы әкімінің орынбасары Бақытжан Нарымбетов елімізде алғаш рет атап өтіліп жатқан «Абай күні» мерекесімен құттықтады.
– Абай күнінің бекітілуі – еліміз үшін аса маңызды оқиға, ұлттың рухани жаңғыруындағы маңызды белес. ҚР Президенті Қасым-Жомарт Тоқаевтың «Егемен Қазақстан» газетіне жариялаған «Абай – рухани реформатор» атты мақаласында «Мәселе – мерейтойда емес, тұғырлы тұлғаның туындыларынан тәлім алуда. Абайдың рухына тағзым ету, оның қағидатын ұстанып, аманатына адал болу сонда ғана жас ұрпақтың санасына қастерлі құндылықтарды сіңіреміз» деп жазды. Меніңше Абай рухы әр азаматтың, әр қазақтың жүрегінде дүрсілдеп соғып тұруы керек. Біздің күнделікті тыныс-тіршілігімізден, ішкі болмысымыздан Абайша ойлау, Абайлық көзқарас, Абайша пайым-парасаттың лебі сезіліп тұруы керек. Орталық кітапханада «Абай залының» ашылуы – Ұлы Абайдың рухына тағзым етудегі, телегей теңіз мұрасын насихаттаудағы маңызды шараның бірі. «Ақыл, қайрат, жүректі бірдей ұста!» деген Абайдың сөзі әр азаматың ұстанымына, өмірлік темірқазығына айналуы керек, – деді Бақытжан Нарымбетов.
Абай залының төрінде ұлы ақынның бюсті қойылған. Гипстен жасалған, биіктігі 70 метр болатын бюст Асхат Молдағалиевтің туындысы. Абай ұрпағының шежіресі, отбасылық суреттері де бар. Залдағы жабдықтар қазақ халқының тұрмыс-тіршілігінен хабар беретіндей арнайы таңдалып, қабырғасы ою-өрнекпен әспеттелген. Шаңырақ, кереге, текемет, керегеге ілінген домбыра, аң терісі, қамшы, ұлттық нақыштағы көрпелер, аласа үстел мен ағаш ыдыстар жүйелі түрде жинақталған.
600 мыңдай кітап қоры бар орталықтандырылған кітапхана қоры Абайдың 175 жылдығына тарту ретінде биыл «Абай қоры» баспасынан шыққан үш тілдегі 10 томдығымен толықтырылған. Шара барысында бұл кітаптар және Абайдың шығармашылығынан жинақталып, әр жылдары жарық көрген кітаптар, Абайтанушы ғалымдардың еңбектері, нотаға түсірілген өлеңдерінің жинағы, Абай бейнесін жазған қылқалам шеберлерінің суреттері «Абай –дана, Абай –дара қазақта» атты кітап көрмесіне қойылып, таныстырылды.
Сондай-ақ жыл басында Ұлы ақын Абай Құнанбайұлының туғанына 175 жыл толуына орай ұйымдастырылған әлеуметтік желілерде шақыру тастау – челлендж қорытындысы жарияланып, үздіктер марапатталды.
Эльмира НҰҒМАНОВА,
zhaikuni.kz
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу