КіруҚОНЫС ТОЙЫ ҚАШАН?
Екі жүзге тарта оралдық былтыр салынып біткен су жаңа үйіне әлі кіре алмай жүр. Тұрғындар дауға айналған баспананы «Нұрлы жер» бағдарламасымен ипотекаға сатып алыпты. Жоспар бойынша былтыр қоныстануы керек екен. Бірақ үйдің айналасында құрылыс жұмыстары әлі аяқталмаған. Жалақымен жан бағып жүрген жас отбасылар енді пәтер жалдап, шаш-етектен шығынға батып жүр.
Қазір үйдің өзі салынып біткенімен, ауласында құрылыс жұмыстары әлі жүріп жатыр. Құрылыс компаниясының өкілдері небары бес күннің ішінде су мен жылу және газ бен электр желісін тартып бітіреміз деп сендіреді. Бірақ уәделі үйді жарты жыл бойы күткен тұрғындар бұған сенер-сенбесін білмей дал болып отыр. Қапа болған қалалықтар болашақ пәтерін сырттай қызықтап, күн санап жүр. Былтыр шілде айында үйдің құжаттарын рәсімдеген олар көп кешікпей қоныс тойын тойлаймыз деп қуанған. Бірақ зарыға күткен тоғыз қабатты екі үйдің құрылысы әлі бітпегенін көрген тұрғындардың көңілі торыққан. Айнала қазылған шұңқырдан көлік түгілі, адамның өзі әрең жүреді. Аталған үйдің болашақ тұрғыны Мейірбек Маратұлының айтуынша, ай сайынғы жалдамалы пәтер мен қолдарына тие қоймаған үй үшін ТЖБ несиесі әбден тығырыққа тірепті.
– 45 мың теңгеге пәтер жалдап тұрамыз және мына 37 мың теңге ипотеканы төлейміз. Сонда айына 80 мың теңге шығынға батып отырмыз. Үйге кірген жоқпыз, бірақ несие төлеп жатырмыз. Банктегілер бізге «бәрібір өздеріңе қалатын үй емес пе, күтіңіздер» дейді. Сонда екі, үш жыл күтіп қарызға белшемізден батып отыра береміз бе, – дейді базынасын білдірген Мейірбек Маратұлы. Осы пікірге әлі де болса кілті қолына тимеген тұрғынжай иесі Арайлым Құбашева да қосылып:
– Тұрғын үй коммуналдық шаруашылығы бөлімінебарсақ, «қайда барсаңдар онда барыңдар. Барыңдар да, банкке ақшасын төлемеймін деп айтыңдар» дейді. «Бәрібір сендерге қалатын үй ғой’ дейді. Біз «қалайша?» дейміз. Біз қабырғасын көріп, есігін, тұтқасын ұстамай, біздің үйіміз екенін көрмей, білмей ақшасын төлеп жатырмыз. Пәтер жалдап жүрген жас отбасыларға өте қиын болып тұр, екі есе шығын, – дейді Арайлым.
Мәселенің мән-жайына қанық болу мақсатымен қалалық құрылыс бөлімінің мамандарына ат басын бұрдық. Уәкілетті мекеме мамандарының дерегінше, үйдің өзі былтыр желтоқсан айында пайдалануға беріліпті. Бірақ инфрақұрылымын жүргізу биыл басталған. «Коронавирус індетіне байланысты карантин жарияланып, біраз жұмыс кейінге қалдырылды»дейді құрылысшылар.
– Бұл үйге мырышталған жылу құбыры жүргізілуі тиіс. Бірақ мұндай материалды аз көлемде әкелу қиын. Кемінде 70 тоннаға тапсырыс беруің керек. Ал мына үйге керегі – 5 тонна құбыр ғана. Сондықтан, бөлек тапсырыс беріп, дүйсенбіде Ресейден алдырдық. Енді трассаны тексергесін, қазылған шұңқыр көміледі. Сосын үйге қоныстануға болады,– деді Орал қалалық құрылыс бөлімінің басшысы Арман Өксікбаев. Құрылыс бөлімінің өкілдері дауға айналған екі үйдің қалған жұмысы он бес күнде бітеріне сенімді. Он бір ай бойы уәделі үйден үмітін үзбеген тұрғындар бұл он бес күнді де уайыммен өткізері анық.
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу