«ОМЕГА» КӨПІРІ ПАЙДАЛАНУҒА БЕРІЛЕТІН КҮН ТАЯУ
«Омега зауыты» ауданындағы жол өтпесі кестеден оза салынды. Бүгінгі күні көпірдің астындағы жол өткеліне асфальт төселуде.
Нысан «Ка-Строй ЛТД» ЖШС-ның мердігерлігімен жүзеге асуда. Тапсырыс беруші – «Қарашығанақ Петролеум Оперейтинг б. в.» компаниясы. Бұл көпірді жергілікті тұрғындар «Омега» көпірі деп атайды. Келісімшарт бойынша жаңа көпір екі жылда салу көзделді. Оның ұзындығы – 988 метр, ені 20 метр болады. Төрт жолақты аутокөлік жолы мен жаяу жүргіншілер жолағы қарастырылған.
Осыдан бір ай бұрын облыс әкімі Ғали Есқалиев құрылыс жұмыстарымен танысып, жол жиек тастарының сапасының нашар екенін ескертіп, ауыстыруды талап еткен еді. Бүгінде сол олқылық толықтай жойылған. Құрылыс кестесі бойынша 2021 жылдың бірінші жартысында қайта жаңартуды аяқтау жоспарланған. Алайда шілденің аяғында құрылыс жұмыстары толықтай аяқталып, ел игілігіне пайдалануға беріледі деп жоспарланып отыр.
Айнара ИСА
Версия для печати
Пікір үстеу