КіруҚОҒАМДАҒЫ ОТБАСЫ РӨЛІН АРТТЫРУ НАЗАРДА
Неке – жеке отбасылық мәселе болып көрінгенімен, бүтін бір мемлекеттің мәселесі. Бүгінде отбасы құндылықтарының әлсіреп, «отбасы – шағын мемлекет» түсінігін жастардың жеңіл қабылдайтыны қоғамды алаңдатуда. Осы ретте биыл қала әкімдігінің бастамасымен 2019-2021 жылдарға арналған қоғамдағы отбасы рөлін арттыру бойынша қалалық жұмыс тобы құрылып, отбасын сақтауға қолдау көрсету мақсатындағы кабинеттер ашылды. Аптаның алғашқы күні аталмыш жұмыс тобы «Жас отбасыларын қалыптастыру мектебіндегі» психолог кабинетінің және №2 қалалық соттағы отбасы кабинетінің жұмысымен танысты.
«Отанның отбасынан басталатынын» екінші орынға қойып, түсініспеушілік пен кикілжіңге бой алдырулары әсерінен жас шаңырақ иелерінің ажырасуы жиіліп кеткені жасырын емес. Осы жылдың сәуір айындағы есеп бойынша жыл басынан 636 жұп неке қидырып, 428 отау бұзылған. Бұл – некеге тіркелгендердің 67,2 пайызы. Ажырасушылардың күрт көбеюіне байланысты қала әкімдігінің шешімімен үш жылға арналған қоғамдағы отбасы рөлін арттыру мақсатындағы жұмыс тобы құрылып, жан-жақты шаралар қолға алынды. Соның арқасында бүгінгі күні ажырасушылардың санын азайтуға алғашқы қадам жасалды. Нәтижеге бағытталған жұмыс сәтті жүргізілуде. «Жайық таңы» қоғамдық бірлестігінің ұйтқы болуымен Салтанат сарайында апта сайын өткізілген тренингтерге неке қидыруға ниеттенген 180 жұп қатысып, кеңес алса, «Жас отбасыларын қалыптастыру мектебі» жобасы аясында «Жас қанат» қоғамдық бірлестігінің ұйымдастыруымен ашылған психолог кабинетінде бір айдан астам уақытта 30 шақты жұп қабылданған. №2 сотта жыл басынан бері жұмыс жасайтын «отбасы кабинеті» де араларына сызат түскен ерлі-зайыптыларды қайтадан жарастыруға ықпал етіп келеді. Қазір некеге отырғандармен салыстырғанда ажырасушылар 43,6 пайызды құрап отыр. Демек, нәтиже бар. Тағы бір айта кетерлігі, отау құруға ниетті тараптар алғашқы психологиялық кеңестен кейін де қосымша тренингтерге қатысуға және отбасын құрғаннан кейінгі алғашқы жылдарда мамандардың көмегін алуға ықыласты екендіктерін білдіруде.
«Жас қанат» қоғамдық бірлестігінің төрағасы Азат Сейтимовтың айтуынша, психологиялық кабинетке жүгінетіндердің жас ерекшеліктері – 25-35 жас аралығында. Психологиялық кеңес тегін көрсетіледі және кеңес алушылар туралы мәлімет құпия сақталады.
Қалалық ішкі саясат бөлімінің қызметкері Анаргүл Сисенова атап өткендей, жүргізілген зерттеулер тұрмыстық зомбылық, жұптардың бірінің ішімдікке немесе есірткіге салынуы, материалдық қиындықтар – ажырасудың негізі екенін көрсетіп отыр. Әсіресе, жұбайлардың өмірге көзқарастарының сәйкес келмеуінен болатын ажырасу фактілері жоғары көрсеткішке ие. Сондай-ақ бедеулік те ерлі-зайыптылардың айырылысуына негіз болатын себептердің бірі.
Эльмира НҰҒМАНОВА
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу