КіруҚОҒАМ ТӘРБИЕСІНЕ АНАЛАР КЕҢЕСІ БЕЛСЕНЕ АРАЛАСУЫ КЕРЕК
Бүгін Оралдағы Достық үйінде Батыс Қазақстан облысы Қазақстан халқы Ассамблеясы аналар Кеңесінің кеңейтілген отырысы өтті. Оған облыстық, қалалық және аудандық аналар Кеңесінің мүшелері, облыстық, қалалық және аудандық ішкі саясат бөлімдерінің өкілдері, оқу орындарының тәрбие ісі жөніндегі басшы орынбасарлары, жастар мен студенттер қатысты.
Аталмыш шараның негізгі мақсаты аналар Кеңесі қызметінің жүзеге асырылуы мен жұмыс бағытын талқылау, іс-шаралар жоспарын бекіту, аналар Кеңестерін мемлекеттік бағдарламалар мен жобаларға қатысуына белсенді тарту, жастар арасында Қазақстан халқының мәдениетін, салт-дәстүрлер мен әдет-ғұрыптарын насихаттау және тәрбие жұмысына белсенді араласуға аналарды тарту болып табылады.
Кеңес отырысының ашылуында облыс әкімінің орынбасары Ғ.А.Оспанқұлов 8 наурыз – халықаралық әйелдер күні мерекесі қарсаңында аналар Кеңесінің төрайымдарын облыс әкімі А.Көлгіновтің атынан алғыс хаттармен марапаттап, шағын сыйлықтар табыстады.
Кеңес күн тәртібінің алғашқы сұрағы бойынша Батыс Қазақстан облысы Қазақстан халқы Ассамблеясы төрағасының орынбасары, хатшылық меңгерушісі Ғайса Хамидоллаұлы Қапақов Батыс Қазақстан облысында Аналар Кеңесі қызметінің картасының жүзеге асырылуы және Аналар кеңесінің қызметі мен жұмыс бағыты туралы баяндама жасады.
Казталов аудандық аналар Кеңесінің мүшесі Хабибуллина Нұрия Самиғоллақызы аудандағы аналар кеңесінің мемлекеттік бағдарламалар мен жобаларға қатысуы жөнінде және аудан көлемінде биылғы жылы атқарылатын жұмыс жоспарымен бөлісті.
Батыс Қазақстан облысы Қазақстан халқы Ассамблеясы аналар Кеңесінің төрайымы Құрманалина Шалқыма Хайроллақызы дәстүрлі қазақы тәрбие бағытында «Қазақ тәрбиесі жүйесіндегі ар-намыс пен абырой» тақырыбында ойымен бөлісіп, Аналар кеңесінің отырыстарында дәстүрлі қазақы тәрбие тақырыптарын талқылау туралы әңгімелер айтылуы қажет екенін атап өтті.
Сондай-ақ еңбек ардагері Сәния Хамзина, «Үміт» Орал өңірі әйелдер одағы» қоғамдық бірлестігінің төрайымы Әлия Болатқызы, Сырым ауданы аналар кеңесінің төрайымы Гүлбақша Ерғалиева, жазушы-журналист Мира Шүйіншәлиева қоғамдағы өзекті тақырыптарды, келеңсіз жағдайларды қозғап, ұл-қыздардың тәрбиесіне аса көңіл бөлу қажеттігін айтты. Бұл үшін аналар кеңесі мүшелері әлеуметтік ұйымдармен байланыс орнатып, кеңес жұмысын күшейтуі керек.
Шара соңында кеңес мүшелері жоғарыда көтерілген мәселелер бойынша шешім қабылдады.
Өз тілшіміз,
суреттерді түсірген Р.ХАЛЕЛОВ
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу