«NUR OTAN» ПАРТИЯСЫ БҚО ФИЛИАЛЫ ТӨРАҒАСЫНЫҢ БІРІНШІ ОРЫНБАСАРЫ ТАҒАЙЫНДАЛДЫ
Саяси кеңестің аймақтық бюросының ұсынысмен Мұрат Рахметұлы Мұқаев «Nur Otan» партиясы Батыс Қазақстан облыстық филиалы төрағасының бірінші орынбасары болып тағайындалды. Бүгін облыс басшысы, «Nur Otan» партиясы Батыс Қазақстан облыстық филиалы төрағасы Ғали Есқалиев партия активіне жаңа орынбасарын таныстырды.
Бұған дейін Мұрат Мұқаев Батыс Қазақстан облысы, Орал қаласының әкімі болып қызметін атқарды.
Мұрат Рахметұлы 1969 жылы туған. 2 жоғарғы білімі бар (бухгалтерлік есеп, экономист, заңгер мамандығы бойынша).
Еңбек жолын 1992 жылы аудандық деңгейде салық инспекциясының есепке алу жөніндегі инспекторы болып бастады.
1994—1997 жылдары банк саласында жұмыс істеді;
1997—2011 жылдары Батыс Қазақстан және Шығыс Қазақстан облыстары бойынша кеден саласында қызмет атқарған;
2011—2013 жылдары Орал қаласы кәсіпкерлік бөлімінің басшысы, 2013 – 2016 жылдары Жәнібек, ал 2016—2017 жылдары Теректі аудандарының әкімі лауазымы қызметінде болды.
2017—2019 жылдары Орал қаласының әкімі болып қызмет атқарды.
Версия для печати
Пікір үстеу