КіруМОТОРЛЫ ҚАЙЫҚ ҚАҒЫП КЕТКЕН ӘЙЕЛДІҢ БАСЫ ӘЛІ ТАБЫЛҒАН ЖОҚ
6 маусымда моторлы қайықтан ажал құшқан Екатеринаның басы әлі де болса су астынан шығарылған жоқ. Оған қоса осы қайғылы оқиғаға жауапты қылмыскер де іздестірілуде.
4 күннен бері марқұмның денесі жер қойынына оның су астында қалған дене мүшелері шығарылмағандықтан, тапсырылмай отыр. Төтеншеліктер болса күндіз-түні іздеу шараларымен шұғылданып жытырғанымен нәтижеге жете алмай отыр. Оның себебін олар өзен астындағы құрылыс қалдықтарының көптігімен және су айдынының ластығымен байланыстырып отыр БҚО ТЖД ЖҚЖ сүңгуір тобының жетекшісі Алексей Еремеев.
– Оқиға болған уақыттан бері әйелдің су астында қалған дене мүшелерін іздеуді тоқтатқан жоқпыз. Нәтиже жоқ. Себебі су астында қалдық құрылыс материалдары көп. Және жұмысты қиындатып тұрған бірнеше себеп бар. Марқұмның денесі су ағысымен жылжып кетуі мүмкін. Ал осы іске түсі ақ күші 150 жылқының күшімен пара-пар моторлы қайық иесі жауапты деп күдіктеніп отырмыз. Олардың саны да көп емес,– деді А. Еремеев.
Естеріңізге сала кетеміз, қайғылы оқиға 6 маусым күні сағат 22.15-те Шаған өзенінде орын алды. Селекционный ауылына қарай, «Достық» саяжай қоғамы жағындағы шойын көпір тұсында белгісіз біреу моторлы қайықпен суға шомылып жүрген 1979 жылғы әйелді қағып кеткен болатын. Әйел алған жарақаттары салдарынан қайтыс болды. Марқұмның көршілері оның соңында 20 жасар ұлының қалғанын және оның спортшы екенін, көрген жарығында жайлы адам болғанын айтып еске алды.
Қазіргі кезде ҚР ҚК 344-бабы 2-бөлігіне сәйкес (өзен көлiгi жүрісі немесе оларды пайдалану қауiпсiздiгi қағидаларын бұзу) сотқа дейінгі тергеу амалдары жүргізілуде.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу