КіруМинистр Жәңгір хан университетінде болды
Жәңгір хан атындағы Батыс Қазақстан аграрлық-техникалық университетіне ҚР Ғылым және жоғары білім министрі Саясат Нұрбек келді. Білім ордасының оқу-ғылыми нысандарын аралаған министр жастармен және ғалымдармен кездесті.
Алдымен министр Жәңгір хан университетінің басқарма төрағасы-ректор Асқар Наметовпен бірге білім ордасындағы «Жәрдем-Вет» оқу-ғылыми өндірістік орталығының, Ихтиология және аквакультура зертханасының, Сынау орталығындағы ғылыми зертханалардың, Жастар бастамасын дамыту орталығының, «Жәңгір хан» спорт клубының жұмысымен танысты. Сонымен қатар ғылым және білім беру бағыттары бойынша көрме жұмысын аралап, университет дамуының экономикалық көрсеткіштері, білім берудің сапасы, ғылыми бағыттар бойынша жасалып жатқан жұмыстардан хабардар болды. Бұдан соң студент жастармен және ғалымдармен кездесті.
Құзырлы министрлік университеттердің мәртебесіне, деңгейіне қарамастан, бірігіп жұмыс жасауды, оларға қолдау көрсетуді көздеп отыр. Ғылым саласына жастарды көбірек тарту, саладағы түйткілді мәселелерді зерделеу, бөлінген қаржының мақсатты түрде жұмсалуына ықпал ету жұмыстары жүргізілуде. Яғни, елімізде ғылымды жандандыру ісіне баса көңіл бөлінбек. Бұл туралы кездесу барысында сөз алған ҚР Ғылым және жоғары білім министрі Саясат Нұрбек мәлімдеді.
– Қазіргі уақытта ауыл шаруашылығы, биотехнология, биомедицина, генетика, селекция салаларында түбегейлі өзгерістер орын алуда. Сол өзгерістер мен жаңалықтардан хабардар болу үшін алдымен тіл білу керек. Өйткені бұл салалардағы мақалалар, ізденістер, жобалар ағылшын тілінде жазылады. Мемлекет басшысы 12 сәуірде өткен Ғылым және технологиялар жөніндегі ұлттық кеңестің отырысында елімізде ғылым моделі өзгеретінін айтты. Енді алдағы 5-7 жылда университеттік ғылымға баса назар аударылатын болады. Соның ішінде ғылыми кадрлар даярлау, зертханалардың жұмысын күшейту, жарияланымдардың сапасын арттыру, жаңа ғылыми бағыттарды ашу, қолданбалы комменцияландыру жобаларына бет бұру – негізгі бағыттар қатарында болмақ, – деген министр Жәңгір хан университетінің ғылыми әлеуетіне оң бағасын берді.
«Бұл жағынан университет басшысы тәжірибелі, оқу орнында өндіріс ошақтарымен байланыс орнатылған, шағын инновациялық өндірістеріңіз бар. Осы негізгі бағытты ұстана отырып, жұмысты жалғастыру керек» деді сала министрі.
Сонымен қатар Саясат Нұрбек ғылымды дамытуға өз үлестерін қосып жүрген университет ғалымдарын «Ғылымды дамытуға сіңірген еңбегі үшін» төсбелгісімен және ҚР Ғылым және жоғары білім миниситрлігінің Құрмет грамотасымен марапаттады. Сондай-ақ ғылыми дәрежелері Қазақстан Республикасында танылған қос ғалымға дипломдары табысталды.
БҚАТУ медиа орталығы
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу