ӘМИЯН ҮШІН АДАМ ӨЛТІРДІ
Өзі жоғалтып алған әмияны үшін 34 жасар азаматты өлтірген 1964 жылғы Талғат Тағбергенов енді өмірінің 11 жылын тар қапаста өткеретін болды. Үкім бүгін облыстық қылмыстық істер жөніндегі мамандандырлыған ауданаралық сотында оқылды. Сот төрешісі – Бақыт Ермаханов.
Өткен жылдың қыркүйегінде Оралдың Зашаған кентінде бірге ішімдік ішкен Талғат Тағбергенов пен Айболат Бердіғалиев арасындағы дау Тағбергеновтің қалта телефоны мен әмианының жоғалуынан пайда болады. Айыпталушы Тағбергенов жеке заттарын қайда және қашан жоғалтып алғанын білмей рөмкілесі Бердіғалиевтен сұрайды. Кейін жәбірленуші Бердіғалиев 10-15 минуттан соң Тағбергеновтың жеке дүниелерін өзіне ұсынады да жатып қалады. Осыдан соң ол әмиянын ашып қарап, заттарының жоқ екенін айтып, қайдан және кімнен алдың деп сұрайды. Алайда, Бердіғалиев жауап бермейді. Ашуға булыққан Тағбергенов ас үй пышағын әкеліп, қаперсіз жатқан Бердіғалиевтің жүрек тұсынан салып қалады. Алған жарақатының салдарынан Айболат Бердіғалиев оқиға орнында ұзақ уақыт өтпей жан тапсырады. Оның бұл әрекетін куәгерлер растаған.
Облыстық қылмыстық істер жөніндегі мамандандырылған ауданаралық сотының судьясы Бақыт Ермахановтың айтуынша марқұмның соңында 2 баласы қалған.
– Тағбергенов Қылмыстық Кодекстің 99-бабы 1- бөлігімен айыпталып, іс қаралды. Сот жаза тағайындау кезінде қылмыстың сипаты мен қоғамға қауіптілік дәржесіне қарай сараланды. Айыпты бұрын сотталмаған жіне 3-ші топтағы мүмкіндігі шектеулі тұлға болып табылады. Сонымен қатар ол өз жазасын толықтай мойындап шын жүректен өкінуі себепті оған 11 жыл бас бостандығын қауіптілігі барынша жоғары деңгейдегі түзету мекемесінде өтеу жазасын тағайындады деді,– Б.Ермаханов.
Версия для печати
Пікір үстеу