КіруМЕРЕЙТОЙЛЫҚ ШАРАЛАРҒА ДАЙЫНДЫҚ ПЫСЫҚТАЛДЫ
Биылғы жыл атаулы даталарға толы – Ұлы Отан соғысындағы Жеңіске 75 жыл, қазақтың ұлы ойшылы Әбу Насыр Әл-Фарабидың 1150 жылдығы, ұлы ақын Абай Құнанбайұлының 175 жылдығы, Алтын Орданың 750 жылдығы, сондай-ақ КСРО Мемлекеттік сыйлығының лауреаты Қазақстанның Халық жазушысы, ақиық ақын Жұбан Молдағалиевтің туғанына – 100 жыл және Қадыр Мырза Әлінің туғанына – 85 жыл.
15 қаңтар күні Орал қаласы әкімі Абат Шыныбековтың және зиялы қауым өкілдерінің қатысуымен жиын өтіп, мерейтойларға дайындық шаралары пысықталды. Атаулы мерейтойлардың жұмыс жоспары жасалып, қала әкімінің өкімімен жұмыс тобы құрылған. Бұл жұмыс тобында Ұлы Отан соғысы және тыл ардагерлері, тарихшы-ғалымдар, ақын-жазушылар бар. Қазіргі уақытта дайындық жұмыстары қарқынды жүріп жатыр.
Жиында атаулы даталарға байланысты атқарылатын іс-шаралар жоспары таныстырылып, қатысушылар мерейтойлық шараларды өткізудің маңызы туралы ой бөлісті.
– Әр мерейтойға орай жоспар дайындалды. Сондай-ақ Әл-Фараби, Абай, Жұбан, Қадырды жастар арасында насихаттау мақсатында қысқаша бейне роликтер дайындалып, әлеуметтік желіде таратылып, кинолекториялар өткізіледі. Абай, Жұбан, Қадыр шығармаларын оқудан челлендждер ұйымдастырылып, өзге ұлт өкілдері арасында да ақындардың өлеңдерін оқудан байқаулар ұйымдастырылмақ. Мерекелік шараларды тойлау қаңтар айының басынан бастау алды. Негізгі көпшілік шаралар қазіргі уақытта балабақша тәрбиеленушілері мен мектеп оқушылары арасында басталып, аға буын ардагерлерге дейін әр түрлі жастағы тұрғындарды қамтитын болады, – деді қалалық мәдениет және тілдерді дамыту бөлімінің басшысы Серік Қайырлиев.
Соңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу