КіруМЕРДІГЕРЛЕР ЖҰМЫСЫ СЫНҒА АЛЫНДЫ
Облыс әкімі Ғали Есқалиев қаланың абаттандырылуын қадағалау барысында өткен рейдте бірқатар коммуналдық қызметтер мен күре жолдың құрылысын жауапкершілігіне алған жауапсыз мердігерлердің жұмысын сынға алды.
Алдымен өңір басшысы аялдаған Назарбаев даңғылындағы кейбір ғимараттардың қасбетінің сұрықсыздығы бірден көзге ілікті. Қабырғалары қара балшыққа малынған ғимараттың иесі де беймәлім. Осы орайда облыс әкімі «Жайық Таза Қала» коммуналдық мекемесі директоры Ринат Нұрғалиевке алдағы ұлттық мерекеміз – Наурызға дейін қала тазалығын қалыпқа келтіруді қатаң тапсырды.
Көктем мезгілінде құрылыс алаңдарындағы ауыр жүк техникаларының тас жолдарды ластайтыны жөнінде де айтылып жүрген болатын. Бұл мәселе әсіресе, Саратов тас жолы бойында салынып жатқан көпқабатты үйлерге қатысты. Рейд барысында өңір басшысы аталмыш аудандағы құрылыс нысандарын аралап, келеңсіз жайттарға куә болды. Себебі, құрылыс алаңдарындағы жүк көліктері дөңгелектері лас күйінде тәуір жолдарды бүлдіруде. Бұл жерлерде арнайы техникаларды жуатын орын қарастырылмаған, құрылыс қалдықтары бейберекет шашылып жатыр. Өңір басшысы бұдан бұлай негізгі тас жолдарды ластаған жүк көліктерінің жүргізушілеріне айыппұл салынатынын ескертті.
Өңір басшысының айтуынша, нысандарды жоспарсыз тексеруге тұрғындардың өтініш-шағымдары түрткі болған. Жолдардың сапасыздығы жөнінде де халық жиі шағынады. Тіптен, жақын арада құрылысы біткен жолдардың да сапасы мәз емес, жаяу жүргіншілер жолдарының да төсемтасы шашылып, қармен бірге еріп жатыр. Бұған дәлел, облыс басшысы бетке алған ұзындығы 2,6 шақырымды құрайтын Әлия Молдағұлова көшесі. Аталған күре жолдың құрылысы өткен жылдың қараша айында аяқталуы тиіс болатын. Бірақ салғырт жасалған жұмысты тапсырыс беруші мекеме қабылдамаған. Бұл жобаға 300 млн.-нан астам қаржы бағытталып отыр. Алайда мердігер компания «Бірлік» ЖШС басшысы Виссарион Цой тарапынан нормативтік талаптар мүлдем сақталмаған. – Мемлекеттің қаржысы мақсатты жұмсалуы тиіс. Сапасына толық көз жетпей, мердігерден құрылысты қабылдамау қажет. Ендігәрі бұл компанияға бақылау қатаң болады. Өйткені аталмыш серіктестік жұмыстарына жұртшылықтан уәжі көп, – деген Ғали Нәжімеденұлы мердігерлер өз міндеттерін талапқа сай атқаруы тиіс екенін жеткізді.
– Тазалық пен тәртіп ең әуелі, тұрғындардың өзінен басталады. Сол себепті әр тұрғын қала тазалығына бейжай қарамай, абаттандыруға қатысты олқылықтарды байқаса, дереу коммуналдық қызметтің бірыңғай 109 нөміріне, Орал қалалық әкімдігінің инстаграмм парақшасына фото, бейнежазба жібергені жөн. Қазіргі көктемгі мезгілде, қаланың санитарлық тазалығы маңызды. Биыл көктем ерте келді. Сол себепті наурыздың 5-інен бастап мамырдың 14-іне дейін тазалық айлығы болып бекітілді, – деді қала әкімі Абат Шыныбеков журналистерге берген сұқбатында.
Кәусар БАЙҒАЛИЕВА
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу