МЕМЛЕКЕТТІК ҚЫЗМЕТКЕРЛЕР ХАЛЫҚҚА ЖАҚЫН
Мемлекеттік органдардың азаматтармен кері байланыс орнатуы мақсатымен бүгін Орал қаласында «Халыққа жақын» акциясы ұйымдастырылды.
Шара халыққа қызмет көрсету орталығы Орал қаласының №2 бөлімінде өтті. Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл агенттігінің Батыс Қазақстан облысы бойынша департаментінің басшысы, Әдеп жөніндегі кеңес төрағасы Б. Исақов, «Азаматтарға арналған үкімет» Мемлекеттік корпорациясы» ҮЕАҚ Батыс Қазақстан облысы бойынша филиалының директоры М. Бассаров, Сыбайлас жемқорлыққа қарсы іс-қимыл ұлттық бюросының Батыс Қазақстан облысы бойынша департаментінің басшысы Р.Ақмырзаев тұрғындардың өтініштерін тыңдап, мемлекеттік қызмет, мемлекеттік көрсетілетін қызмет сапасы, сыбайлас жемқорлыққа қарсы іс-қимыл мәселелері бойынша кеңес берді. Шара барысында азаматтар әлеуметтік қамтамасыз ету және мекенжай бойынша тіркелу мәселелері бойынша сұрақтар қойды.
Версия для печати
Пікір үстеу