Кіру«МЕКТЕП ӘЛЕМІН ӨЗГЕРТЕТІН ҰСТАЗДАР»
Елордада Қазақстанның ең үздік педагогтарының басын қосқан «Мектеп әлемін өзгертетін ұстаздар» атты XI халықаралық ғылыми-тәжірибелік конференция мәресіне жетті. Екі күн бойы отандық және 17 шет мемлекеттен келген кәсіби сарапшылар өз тәжірибесімен бөлісті. Әлемдік білім беру саласындағы озық технологиялар мен келелі мәселелер талқыланды.
Жер шарындағы барлық педагогтарды толғандыратын проблемалар: мұғалім мен оқушы серіктестігі, жаһандық құзыреттілік, педагогтардың үздіксіз білім алуы, білім мазмұны мен бағалау, қолайлы білім беру ортасын құру, эмоционалды зияткерлікті дамыту сынды басқа да өзекті мәселелер күн тәртібіне шығарылды.
Конференция тарихында тұңғыш рет балаларға арналған шеберлік сыныбы ұйымдастырылып, оған елордалық Зияткерлік мектептердің оқушылары қатысты. Калифорниялық колледждің оқытушысы Дана Шерри ертегілерді талдау арқылы жас тыңдаушылардың ойлау дағдысын арттырды.
Назарбаев Зияткерлік мектептерінің ұстаздары, жалпы білім беру ұйымдарының оқытушылары және педагогикалық шеберлік орталығының тренерлері дайындаған 80-нен астам постер көпшілік назарына ұсынылды.
– Осымен екінші рет аталған конференцияға қатысудамын. «Пән мен тілді кіріктіріп оқытуды жүзеге асыруда пән мен тіл мұғалімдерінің бірлесіп сабақ жоспарлауы: бірлесіп оқыту және кәсіби даму» тақырыбындағы баяндамасымен «Үздік презентация» аталымына ие болдық. Жалпы зерттеу мәдениетінің қалыптасып, әріптестердің зерттеу нәтижесін талдауға баса назар аударып келе жатқаны қуантады. Осындай конференциядан ұстаздардың алары мол, – дейді Оралдағы Назарбаев Зияткерлік мектебінің мұғалімі Бақтыгүл Сегізбаева.
«Назарбаев Зияткерлік мектептері» Дербес білім беру ұйымының Басқарма төрайымы Күләш Шәмшидинова білім беру саласында болып жатқан өзгерістерге конструктивті сараптама жасауға шақырды:
– Орта білім беру қандай болу керек? Бұл сұрақтың жауабын әлемнің барлық дерлік мемлекеттері іздеуде. Мәселе көптеген пікірталас алаңдарында талқыланды. Менің нақты білетінім – әлемді жақсы жағына өзгертетін адам болса, ол – мұғалім.
Версия для печати
Соңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу