КіруМал ұрлығымен айналысқан
Батыс Қазақстан облысы криминалдық полиция қызметкерлері Теректі ауданына қарасты Ақжайық полиция бөлімінің қызметкерлерімен бірлесе БҚО Теректі ауданы аумағында мал ұрлығымен айналысқан қылмыстық топты анықтап, қолға түсірді.
Жедел-іздестіру іс-шаралары барысында үш адамнан тұрған қылмыстық топ қазан және қараша айларында еркін жайылыстан Теректі ауданының тұрғындарына тиісілі ірі қара малдарын ұрлап кеткен.
Тексеру барысында барымташылар 62 бас ірі қара малды жымқырса, оның 8-і күдіктілердің қораларынан табылды. Ұсталған азаматтардың біріне тиесілі «Toyota Hilux» маркілі автокөлігі, сондай-ақ, күдіктілер ұрланған ірі қара малға айырбастаған «Ford» маркілі автокөлігі тәркіленді.
Сондай-ақ, ұрланған малдарды сатып алып жүрген мал сатушы анықталды. Ол ұрланған малдарды нарықтағы төмен бағамен сатып алған. Ұсталған азаматтар уақытша ұстау изоляторна қамауға алынды. Тергеу амалдары жүргізілуде. Күдіктілердің осыған ұқсас қылмыстарға қатысының бар-жоғы анықталуда.
ҚР ҚК-нің 188-1-бабы (Мал ұрлығы) бойынша сотқа дейінгі тергеу амалдары жүргізілуде.
БҚО ПД баспасөз қызметі
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
