КіруКПО қызметкерлері «Таза қала» акциясын қолдады
Бүгін Ақсай қаласында «Таза Қазақстан» экологиялық акциясы жалғасын тапты. Республикалық акцияға ауданымыздағы компаниялар мен кәсіпорындар да атсалысып, қолдауда. Солардың бірі – «Қарашығанақ Петролеум Оперейтинг Б.В.» компаниясы.
Аталған компания ауданымыздағы өтіп жатқан барлық іс-шараларға белсенді қатысады. Осы жолы да Президентіміздің бастамасын қолдап, компания қызметкерлері Ақсай қаласының Теміржол және Наурыз -1 мен Наурыз-2-ден Халықтар Достығы көшесіне дейінгі аумақта тазалық жүргізді. Қызметкерлер акция барысында белгіленген аумақтағы жапырақтарды жинап, тұрмыстық қалдықтардан тазалады.
– «Таза Қазақстан» науқаны аясында ұйымдастырылып жатқан осындай іс-шараға КПО ұжымы болып жыл сайын қатысамыз. Өзіңіз байқағандай бүгінгі шараға компаниямызда жұмыс жасайтын жергілікті қызметкерлер де, шетелдік мамандар да атсалысып жатыр.
«Тазалық тазаланатын жерде емес, қоқыс тастамайтын жерде» демекші, біз деген қала қонақтары мен тұрғындардың барлығын осындай экологиялық шараларға қатысуға, қоршаған ортаны таза ұстауға шақырамыз, – дейді КПО Жерасты сулары мониторингі секторының бастығы Равиль Рахимов.
Сәуір айының бірінен басталған «Таза қала» акциясы аясында Ақсай қаласында күнделікті тазалық жұмыстары жүргізіліп келеді. Акцияға мемлекеттік қызметшілер, түрлі мекеме қызметкерлері қатысуда. Бүгін KПO қызметкерлері қала тазалығына деген жауапкершіліктерін көрсетіп, Ақсай қаласында орналасқан басқа да кәсіпорындардың қызметкерлерімен қатар иық тіресе еңбек етті. Осыған дейін айтып өткеніміздей «Таза Қазақстан» экологиялық акциясына шетелдік қызметкерлер де қатысуда.
– KПO компаниясы өз жетістігінің қызмет ететін орта мен қоғамдастықтың әл-ауқатымен тығыз байланысты екенін жақсы түсінеді. Сондықтан біз өз үлесімізді тек сөз жүзінде емес, нақты әрі мағыналы істер арқылы қосуға ұмтыламыз. Таза қоршаған орта – бұл тек сыртқы көрініс қана емес, ол біздің жауапкершілігіміздің, денсаулығымыздың және бір-бірімізге деген құрметіміздің көрсеткіші. KПO компаниясы тұрақты дамуға бағытталған бастамаларға инвестиция салып, қалдықтарды азайтуға және көшелерді, саябақтарды, ортақ кеңістікті таза ұстауға бағытталған жергілікті жобаларды қолдайды. Себебі қоршаған ортаға қамқорлықпен қарау халықтың өмір сүру сапасына тікелей әсер ететініне сенімдіміз. KПO әрдайым «Таза Қазақстан» республикалық экологиялық науқанына белсенді қолдау көрсетіп келеді. Сонымен қатар, жергілікті қоғамдастықтың бір бөлігі ретінде біз Ақсай қаласында абаттандыру мен тазалықты сақтауға бағытталған бастамаларға, соның ішінде сенбіліктерге де тұрақты түрде атсалысып келеміз. «Таза Ақсай» және «Таза Қазақстан» идеялары аясында өткізіліп отырған осы ауызбіршілік пен жанашырлыққа арналған игі шарада баршамызға сәттілік тілеймін! – деп КПО ЕҚ, ҚТ және ҚОҚ бөлімінің бастығы, шотландиялық Скотт Мюррей тек компания өкілі ретінде ғана емес, осы қоғамдастықтың бір мүшесі ретінде, таза, қауіпсіз және жасыл орта қалыптастыруға ұмтылатын адам ретінде сөз сөйлеу үлкен мәртебе екенін айтып өтті.
Бүгінгі іс-шараның нәтижесінде КПО қызметкерлерінің күшінің арқасында қаламыздың орталық көшелері, көше бойындағы арықтар қоқыстардан тазартылды. Шараға қатысушылар қаламыздың әр тұрғыны Президентіміздің бастамасын, «Таза қала» экологиялық акциясын қолдап, қаламызды таза ұстап, тазалық мәдениетін қалыптастыру керек екендігін атап өтті.
Бөрлі ауданы
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
