КіруКОРОНАВИРУС: РЕВАКЦИНАЦИЯ НАУҚАНЫ БАСТАЛАДЫ
15 қарашада ҚР Бас санитар дәрігерінің халыққа ревакцинация жасау туралы жаңа қаулысы жарияланды. Қаулыға сәйкес КВИ-ға қарсы вакцинацияның толық курсы аяқталғаннан кейін 6-9 айдан кейін қосымша дозаны енгізу ұсынылады. Бұл туралы 16 қараша күні БҚО әкімі Ғали Есқалиевтің төрағалығымен өткен коронавирустың таралуының алдын алу жөніндегі өңірлік жеделштаб отырысында айтылды.
БҚО денсаулық сақтау басқармасы басшысының міндетін атқарушы А.Қалибеков бүгінгі күні облыс бойынша 224 304 адам коронавирусқа қарсы вакцинациялаудың толық курсын алғанын мәлім етті. Вакцинацияланған халық арасында ауру 0,4 пайызды құрайды. Арман Талғатұлының айтуынша, бұл коронавируспен күресте вакцинацияның тиімділігін көрсетеді.
– Вакцинация коронавирустық инфекциядан сенімді қорғауды қамтамасыз етеді. Қоғам ретінде біз вакцинация мәселесіне жауапкершілікпен қарауымыз керек. Вакцинация коронавирустық инфекцияға қарсы иммунитетті дамыту үшін ағзаның табиғи қорғаныс реакцияларын қолдана отырып, инфекция қаупін едәуір төмендетеді. Бүгінгі таңда біздің негізгі міндетіміз – карантин режимінің барлық шараларын сақтау және белсенді вакцинация, – деді Арман Талғатұлы.
ҚР Бас санитар дәрігерінің халыққа ревакцинация жасау туралы жаңа қаулысына сай, елімізде 22 қарашадан бастап ревакцинация жүргізу басталады.
Векторлық (Спутник) вакцинамен вакцинацияны алған тұлғалар арада 9 ай өткен соң, белсенді емес (Sinopharm, CoronaVac, Hayat-Var, QazCovid-in) немесе м-РНҚ вакцинасымен (Pfizer) ревакцинация жасалады.
Белсенділігі жойылған (Sinopharm, CoronaVac, Hayat-Vax, QazCovid-in) вакциналармен вакцинациялаған тұлғалар 6 айдан соң векторлық (Спутник) немесе м-РНҚ вакцинасымен (Pfizer) ревакцинацияланады.
м-РНҚ вакцинасын алған адамдар (Pfizer) 6 айдан кейін белсенділігі жойылған (Sinopharm, CoronaVac, Hayat-Var, QazCovid-in) немесе векторлық (Спутник) вакцинамен ревакцинацияланады.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу