КіруКОРОНАВИРУС ИНФЕКЦИЯСЫН ЖҰҚТЫРҒАН БАТЫСҚАЗАҚСТАНДЫҚ РЕСЕЙДЕН КЕЛГЕН
Бүгін Батыс Қазақстан облысында «COVID-19» инфекциясын жұқтырған бір науқас тіркелді. Мемлекеттік комиссияның шұғыл штабының хабарлауынша, ол Ресей Федерациясында вахта әдісімен жұмыс жасайтын 37 жастағы Батыс Қазақстан облысы тұрғыны.
Ресей Федерациясының Саратов облысымен шекарадағы «Тасқала» автоөткеліндегі санитарлық-карантиндік бекетте эпидемиолог мамандар қашықтық термометрия және сауалнама жүргізу кезінде, азаматтан жөтелу, тұмаурату белгілерін анықтаған. Азамат іс-әрекет алгоритміне сай оқшауланып, жедел жәрдем көлігі шақырылды. Барлық эпидемияға қарсы іс-шараларды сақтай отырып, ол провизорлық стационарға жеткізіліп, коронавирус жұқпасына талдау жасалған. ПТР диагностикалық зерттеу нәтижелері бойынша COVID-19 диагнозы нақтыланған. Қазіргі уақытта науқас облыстық жұқпалы аурулар ауруханасында жеке боксқа орналастырылды.
Науқастармен қарым-қатынаста болған адамдар анықталып, барлығы медициналық бақылауға алынды. Ауру ошақтарында эпидзерттеу жұмыстары, «Ұлттық сараптама орталығы» БҚО бойынша филиалы дезинфекция орталығы мамандарымен дезинфекциялық жұмыстар жүргізілген.
11.04.2020 жағдай бойынша аймақта COVID-19 коронавирустық инфекциясына шалдыққан барлығы 7 адам облыстық жұқпалы аурулар ауруханасына ем алуда.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу