Кіру«KITAPTIME – 2025» IV жалпы республикалық кітап фестивалі өтті.
24 қыркүйек күні Ж.Молдағалиев атындағы БҚО орталық әмбебап ғылыми кітапханасында ҚР Ұлттық академиялық кітапханасының бастамасымен жүзеге асырылып келе жатқан «KITAPTIME – 2025» IV жалпы республикалық кітап фестивалі жоғары деңгейде ұйымдастырылып, өз мәресіне жетті.
Фестиваль биыл халқымыздың дана ойшылы, ұлы ақын Абай Құнанбайұлының 180 жылдық мерейтойына арналып, Абай мұрасын насихаттау мен кітап оқудың маңызын ұштастыра отырып өткізілді.
Шараның салтанатты ашылуында БҚО мәдениет, тілдерді дамыту және архив ісі басқармасы басшысының орынбасары Медхат Қамбетов құттықтау сөз сөйледі. Сондай-ақ, ақын, сатирик, публицист, Қазақстан Жазушылар Одағының мүшесі, Жаңақала ауданының құрметті азаматы Амангелді Шахин, ауыл шаруашылығы ғылымдарының кандидаты, доцент, ҚР Білім беру ісінің құрметті қызметкері Болатқали Төлебаев, ҚР Мәдениет қайраткері, «Құрметті кітапханашы» Звайда Өтешова, «Зерек» оқу орталығының жетекшісі Манарбек Жұмабаев өз жылы лебіздерін білдіріп, кітап пен руханият төңірегінде құнды ойларымен бөлісті.
Фестиваль аясында әр түрлі жастағы оқырмандарға арналған мазмұнды және қызықты алаңдарға келушілер саяхат жасады.
«Ұлы дала жазушылары» – «Таңдалған 100 кітап», Абай, Жұбан, Қадыр сынды тұлғалардың өмірі мен шығармашылығына арналған көрме;
«Ертегілер еліне саяхат» – балдырғандарға арналған ертегілік әлем;
«Күзгі поэзия алаңы» – жас ақындар мен поэзия сүйер қауымға арналған сахна;
«Меркурий» клубы – әдеби пікірталас алаңы;
«Bookmarket» – кітап жәрмеңкесі;
«Bookcrossing» – кітап алмасу алаңы;
«Photo Zone» – арнайы безендірілген фотозона;
«Шеберлік сабақтар мен квест» – балалар мен жастарға арналған шығармашылық ойындар мен қолөнер шеберлік сағаттары.
Фестиваль барысында қатысушылар тек кітаппен ғана емес, би әлемімен де қауышты. DANCEFIT Ural’sk би үйірмесінің жетекшісі Иманғазиева Айгүл заманауи би қимылдарын көрсетіп, қатысушыларды белсенділікке шақырды. Көңілді ырғақ пен қозғалыс залда ерекше серпіліс сыйлады. Шара аясында Жастар мәдениет сарайының әншісі Нұрлан Қожахмет әсем әнімен көрермендердің көңілін көтерді.
«KITAPTIME – 2025» IV жалпы республикалық кітап фестиваліне қатысқан зиялы қауым өкілдеріне, қала тұрғындарына, жоғары және арнаулы оқу орындарының ұстаздары мен студенттеріне, балабақша тәрбиешілері мен бүлдіршіндерге, қылқалам мен қолөнер шеберлеріне, кітап дүкендеріне, БАҚ өкілдеріне зор алғысымызды білдіреміз.
Кітап – ұлттың жады, рухтың темірқазығы. «KITAPTIME – 2025» фестивалі – осы құндылықты жаңғыртып, қоғамды оқу мәдениетіне тартудың нақты қадамы болды. Оқырмандар рухани байып, жаңа кітаптармен танысып, шығармашылық шабытпен қанаттанды.
Нуфтуллина Аягүл Рухоллақызы
Қоғаммен байланыс және көрме-көпшілік жұмыс секторы жетекшісі
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
